Dipesaleme
BUKA YA BONE
(Pesaleme ya 90-106)
Thapelo ya Moshe, mohlanka wa Modimo wa nnete.+
90 Jehova, o bile setshabelo*+ sa rona melokong yohle.
2 Pele dithaba di eba teng
Le pele o bopa* lefatshe le dintho tsohle tse ho lona,+
Haesale o le Modimo, ha o na qalo ebile ha o na qetello.+
3 O kgutlisetsa motho leroleng.
O re: “Kgutlang, lona batho.”+
4 Dilemo tse sekete ho wena di tshwana feela le letsatsi la maobane,+
Di jwalo ka dihora tse seng kae bosiu.
5 O a ba fedisa+ mme ba nyamela jwalo ka toro.
Ba jwalo ka jwang bo melang hoseng.+
9 Bophelo ba rona* bo a fela hobane o re halefetse
Le dilemo tsa rona di fela kapele jwalo ka phefumoloho.
Empa di tletse mathata le matshwenyeho.
Di feta kapele ebe ha re sa le yo.+
11 Ke mang ya ka utlwisisang matla a bohale ba hao?
Kgalefo ya hao e kgolo, e lekana le tsela eo re lokelang ho o tshaba ka yona.+
13 Re hauhele hape hle Jehova.+ Ho tla dula ho le tjee ho fihlela neng?+
Qenehela bahlanka ba hao.+
14 Re bontshe lerato+ esale hoseng,
E le hore re tle re dule re thabile+ ka matsatsi ohle a bophelo ba rona.
15 Re thabise ka matsatsi a lekanang le ao o re hlorisitseng ka ona+
Le ka dilemo tse lekanang le tseo re ileng ra sotleha ka tsona.+
16 E se eka bahlanka ba hao ba ka bona mesebetsi ya hao,
Le bara ba bona ba bone matla a hao a maholo.+
O ke o atlehise mosebetsi wa rona.+