Dipesaleme

Pesaleme ya Davida.

28 Ke kopa thuso ho wena ka mehla, Jehova lefika la ka.+

O se ke wa iphapanyetsa nna.

Haeba o ke ke wa nkaraba,

Ke tla ba jwalo ka ba theohelang lebitleng.*+

2 Utlwa dikopo tsa ka ha ke llela ho wena ke kopa thuso,

Ha ke phahamisa matsoho a ka ke shebile kamoreng e ka harehare ya sehalalelo sa hao.+

3 O se ke wa nkahlola le ba kgopo, ba etsang dintho tse kotsi,+

Ba buang le batho ba bang ka kgotso empa dipelo tsa bona di le kgopo.+

4 O ba putse ho ya ka diketso tsa bona,+

Ho ya ka dintho tse mpe tseo ba di etsang.

O ba putse ho ya ka mosebetsi wa matsoho a bona,

Ho ya ka seo ba se entseng.+

5 Ba iphapanyetsa dintho tseo Jehova a di etsang+

Le mosebetsi wa matsoho a hae.+

O tla ba diha mme a ke ke a ba emisa.

6 E se eka Jehova a ka roriswa

Hobane o nkutlwile ha ke kopa thuso.

7 Jehova ke matla a ka+ le thebe ya ka.+

Ke mo tshepile ka pelo yohle ya ka.+

O nthusitse mme pelo ya ka e thabile.

Ka hoo, ke tla mo rorisa ka pina ya ka.

8 Jehova ke matla a batho ba hae.

O jwalo ka sebaka se sireletsehileng mme o pholosa motlotsuwa wa hae.+

9 Pholosa batho ba hao, o ba hlohonolofatse.+

O ba dise mme o ba jare ka ho sa feleng.+