Dipesaleme
Ho binela Modimo wa rona dithoriso ke ntho e ntle.
Ho mo rorisa ho a thabisa ebile ho loketse.+
O phutha Baiseraele ba qhalakaneng.+
3 O fodisa bao dipelo tsa bona di utlwileng bohloko.
O tlamisa maqeba a bona.
4 O tseba palo ya dinaledi.
Kaofela ha tsona o di bitsa ka mabitso a tsona.+
5 Morena wa rona o moholo ebile o matla haholo.+
O bohlale ka tsela eo re ke keng ra kgona ho e utlwisisa.+
6 Jehova o phahamisa batho ba bonolo.+
Empa ba kgopo o ba lahlela fatshe.
7 Binelang Jehova dipina tsa ho mo leboha.
Binelang Modimo wa rona dithoriso ka harepa.
8 Ke yena ya kwahelang mahodimo ka maru,
Ya nesetsang lefatshe pula+
Le ya etsang hore jwang bo mele+ dithabeng.
12 Jerusalema, tlotlisa Jehova.
Sione, rorisa Modimo wa hao.
13 O etsa hore dipalo tsa dikeiti tsa motse wa hao di tiye.
O hlohonolofatsa bara ba hao.
14 O etsa hore ho be le kgotso naheng ya hao.+
O o fa koro e ntle ka ho fetisisa ho fihlela o kgotsofetse.+
15 O fana ka taelo lefatsheng,
Lentswe la hae le matha ka lebelo.
16 O fana ka lehlwa jwalo ka boya.+
O hasanya serame jwalo ka molora.+
17 O lahlela sefako* sa hae fatshe jwalo ka mafoforetsane a bohobe.+
Ha ho na motho ya ka kgonang ho mamella serame sa hae.+
18 Ha a fana ka taelo, lehlwa le a qhibidiha.
O etsa hore moya wa hae o foke+ ebe metsi a a phalla.
20 Ha a etse jwalo ho ditjhaba tse ding.+
Ha di tsebe letho ka melao ya hae.