Dipesaleme
Ho motsamaisi. E binwe ka mokgwa wa Jeduthune.*+ Pina ya Davida.
39 Ke ile ka re: “Ke tla ela hloko dintho tseo ke di etsang
Hore ke se ke ka etsa sebe ka seo ke se buang.+
Ke tla kwala molomo wa ka ka ntho e tlamang+
Ha feela motho ya kgopo a le pela ka.”
2 Ke ile ka fellwa ke mantswe mme ka thola.+
Ha ke a ka ka bua le ka dintho tse ntle,
Ke ne ke utlwile bohloko haholo.
3 Pelo ya ka e ne e tjhesa ka sefubeng sa ka.
Ha ke ntse ke nahana, ke ne ke tuka le ho feta.
Yaba ke re:
4 “Jehova, ntsebise hore na bophelo ba ka bo tla fella kae
Le hore na ke tla phela matsatsi a makae+
E le hore ke tsebe hore na bophelo ba ka bo bokgutshwanyane hakae.
5 O entse hore matsatsi a ka e be a seng makae.*+
Bolelele ba bophelo ba ka ha se letho ka pela hao.+
Le hoja ho bonahala eka motho e mong le e mong o sireletsehile, o tshwana feela le phefumoloho.+ (Selah)
6 Bophelo ba motho bo tshwana le seriti.
O potlakela* lefeela.
O bokella maruo a sa tsebe hore na a tlo jewa ke mang.+
7 Jehova, ke tshepe eng?
Ke wena feela tshepo ya ka.
8 Ntopolle diphosong tsohle tsa ka.+
O se ke wa dumella hore motho ya se nang kelello a nnyatse.
9 Ke ile ka dula ke thotse,
Ke sa kgone ho bula molomo wa ka+
Hobane ke wena ya neng a entse hore ke se ke ka kgona ho bua.+
10 Tlosa kotlo ya hao ho nna.
Ha ke sa na matla hobane letsoho la hao le a nkotla.
11 O kgalemela motho ka ho mo fa kotlo bakeng sa phoso ya hae.+
O fedisa dintho tseo a di ratang jwalo ka ha eka di jewa ke tshwele.*
Ka nnete motho e mong le e mong o tshwana le phefumoloho feela.+ (Selah)
O se ke wa iphapanyetsa dikeledi tsa ka.
13 O se ke wa ntjheba o halefile e le hore ke tle ke thabe
Pele ke shwa mme ke eba siyo.”