Sefela sa Difela

8 Hoja o ne o le kgaitsedi ya ka,

E antseng matswele a mme wa ka.

Ha ke ne nka o fumana ka ntle, ke ne ke tla o suna+

Mme ho ne ho se motho ya tla ntjheba hampe.

 2 Ke ne ke tla o etella pele,

Ke o tlise ka tlung ya Mme+

Ya nthutileng.

Ke ne ke tla o fa veine e nokilweng ka dinoko hore o e nwe,

Lero le letjha la dikgarenate.

 3 Letsoho la hae le letshehadi le ne le tla ba tlasa hlooho ya ka

Ebe o nkopa ka letsoho la hae le letona.+

 4 Baradi ba Jerusalema, ke a le hlapantsha

Hore le se ke la leka ho tsosa lerato ka ho nna ho fihlela lerato le itlhahisa.”+

 5 “Ke mang ngwanana eo ya nyolohang naheng,

Ya itshetlehileng ka moratuwa wa hae?”

“Ke ile ka o tsosa tlasa sefate sa diapole

Moo mme wa hao a ileng a ba le mahlaba a pelehi.

 6 Mpehe jwalo ka setempe pelong ya hao,

Jwalo ka setempe letsohong la hao

Hobane lerato le matla jwalo ka lefu,+

Botshepehi bo phehella jwalo ka Lebitla.*

 7 Metsi a mangata a ke ke a tima lerato,+

Le dinoka di ke ke tsa le hohola.+

Haeba motho a ne a ka fana ka maruo ohle a ntlo ya hae bakeng sa lerato,

Batho ba ne ba tla a* nyatsa.”

 8 “Re na le kgaitsedi e nyenyane+

E se nang matswele.

Re tla etsetsa kgaitsedi ya rona eng

Letsatsing leo a tla kopuwa ka lona?

 9 Haeba ke lerako,

Re tla haha tora ya silevera hodima hae

Empa haeba ke monyako,

Re tla mo kwala ka lepolanka la kedare.”

10 “Nna ke lerako

Le matswele a ka a jwalo ka ditora.

Ke ka hoo mahlong a hae ke leng motho

Ya nang le kgotso.

12 Dikotwana tse sekete tsa silevera* ke tsa hao, wena Solomone

Mme makgolo a mabedi ke a ba hlokomelang ditholwana tsa sona

Empa nna ke na le serapa sa ka sa morara se taolong ya ka.”

13 “Wena ya dulang dirapeng,+

Metswalle ya ka* e thehile tsebe hore e utlwe lentswe la hao.

14 “Potlaka, moratuwa wa ka,

O mathe ka lebelo jwalo ka tshephe+

Kapa jwalo ka namane e tona ya kgama

Hodima dithaba tsa dinoko.”