Tse Ka Hare

Ha esale batho ba Jehova ba nka ho bina e le karolo ya bohlokwa ya borapedi ba bona. Le ha ho le jwalo, ba bang ba ka nna ba thatafallwa ke ho bina hara batho. Re ka thuswa keng haeba re tshaba ho binela hodimo ha re le hara batho ba bang? Sehlooho sena se re fa mabaka a hore re binele Jehova re thabile mme se re fa le ditlhahiso tse ka re thusang ho ntlafatsa tsela eo re binang ka yona.

Re ka ithuta ho hongata tokisetsong ya metse ya setshabelo ya Iseraele ya boholoholo. Sehloohong sa pele, ela hloko kamoo baetsadibe ba ka ruang molemo kateng mohaung wa Jehova kajeno. Sehloohong sa bobedi, ithute kamoo mohlala wa Jehova o re thusang kateng ho tshwarela ba bang, ho hlompha bophelo le ho etsa dintho ka toka.

Dihlooho tsena tse pedi di thehilwe keletsong eo Pauluse a ileng a e fa Bakreste ba phutheho ya Kolose. Sehlooho sa pele se re bolella seo re lokelang ho se etsa ha re utlwa menahano ya lefatshe lena e ka nnang ya utlwahala e ipiletsa kapa e le bohlale. Sehlooho sa bobedi se re hopotsa kamoo re ka qobang menahano le mekgwa e ka re amohang ditlhohonolofatso tseo Jehova a di tshepisitseng.