LAEBRARI E INTHANETENG
LAEBRARI E INTHANETENG YA
Watchtower
Sesotho (South Africa)
  • BIBELE
  • DINGOLWA
  • MEETINGS
  • mwb17 October leq. 3
  • Kamoo o ka Bang Moithuti ya Kgothetseng wa Lentswe la Modimo

No video available for this selection.

Sorry, there was an error loading the video.

  • Kamoo o ka Bang Moithuti ya Kgothetseng wa Lentswe la Modimo
  • Bophelo le Tshebeletso ya Rona—Bukana ya Seboka—2017
  • Dintlha tse Ding
  • Ithute ka Tsela e Tla Etsa Hore o Dule o Fadimehile
    Tora ya ho Lebela e Tsebahatsa Mmuso wa Jehova (E Ithutwang)—2024
  • Na o Sebeletsa Jehova o sa Kgaotse?
    Bophelo le Tshebeletso ya Rona—Bukana ya Seboka—2017
  • O ka Ithutang Mohlaleng wa Daniele?
    Tora ya ho Lebela e Tsebahatsa Mmuso wa Jehova (E Ithutwang)—2023
  • Ithute Boprofeta ba Bibele
    Tora ya ho Lebela e Tsebahatsa Mmuso wa Jehova (E Ithutwang)—2023
Bophelo le Tshebeletso ya Rona—Bukana ya Seboka—2017
mwb17 October leq. 3

PHELA JWALO KA MOKRESTE

Kamoo o ka Bang Moithuti ya Kgothetseng wa Lentswe la Modimo

Na o ka rata ho tshepahala jwalo ka Daniele ha o le tlasa teko? Daniele o ne a kgothalletse ho ithuta Lentswe la Modimo ho akarelletsa le boprofeta bo tebileng. (Dan 9:2) Ho kgothalla ho ithuta Bibele ho tla o thusa hore o dule o tshepahala. Ka tsela efe? Sena se ka matlafatsa tumelo ya hao ho Jehova hore ditshepiso tsa hae di tla phethahala. (Jos 23:14) Lerato la hao ho Modimo le tla hola, mme seo se tla o susumelletsa ho etsa dintho tse nepahetseng. (Pes 97:10) Empa o ka etsa see jwang? Ela hloko ditlhahiso tse latelang.

Daniele o ithuta Lentswe la Modimo

  • Nka Ithuta ka Eng? Lenaneo la kamehla la ho ithuta le akarelletsa hore o lokisetse diboka. Mmalo wa hao wa Bibele wa beke le beke o tla o tswela molemo haeba o ipha nako ya ho batlisisa ka dintho tseo o sa di utlwisiseng. Ho feta moo, ba bang ba kgethile ho ithuta ho eketsehileng ka boprofeta bo ka Bibeleng, ka ditholwana tsa moya, ka maeto a borumuwa a moapostola Pauluse kapa ka popo ya Jehova. Haeba ho na le potso eo o ipotsang yona, e ngole fatshe ebe ka mora moo o ipha nako ya ho batlisisa ka yona.

  • Nka fumana boitsebiso hokae? O ka shebella video e reng Dithulusi Tsa ho Batlisisa Matlotlo a ka Bibeleng e le hore o tle o fumane moo o ka etsang dipatlisiso. Ho bona hore na o se o tseba boitsebiso bo bokae, etsa dipatlisiso ka dibata tse tlalehilweng ho Daniele kgaolo ya 7.

  • Ke lokela ho ipha nako e kae ya ho ithuta Bibele? Ho ithuta kamehla ho tla o thusa hore o dule o na le kamano e ntle le Jehova. O ka qala ka ho iketsetsa lenaneo la ho bala le le kgutshwanyane, ha nako e ntse e ya, o ka eketsa nako ya hao ya ho bala. Ha o ithuta Lentswe la Modimo, ho tshwana le ha eka o batla matlotlo a patilweng, mme ha o ntse o fumana matlotlo a eketsehileng, o tla batla ho ithuta haholwanyane ka Lentswe la Modimo! (Lipr 2:3-6) Tabatabelo ya hao ya ho ithuta Lentswe la Modimo e tla hola ebile ho bala Bibele e tla ba ntho eo o e etsang kamehla.—1Pe 2:2.

    Bakeng sa dintlha tse eketsehileng tsa hore o thabele ho ithuta, o ka sheba Fadimehang! ya February 2012, leq 18-20.

DIBATA TSE HLAHANG HO DANIELE KGAOLO YA 7 DI EMELANG?

  • Sebata se tshwanang le tau e na leng mapheo a ntsu

    Dan 7:4

  • Sebata se tshwanang le bere e mommeng dikgopo tse tharo

    Dan 7:5

  • Sebata se tshwanang le lengau le na leng dihloho tse nne le mapheo a mane mokokotlong wa sona

    Dan 7:6

  • Sebata se tshabehang se na leng meno a tshepe le manaka a leshome

    Dan 7:7

POTSO E NNGWE:

Daniele 7:8, 24 e ile ya phethala jwang?

Lenaka le lenyane le na leng leihlo le molomo le hlaha hara manaka a leshome mme le ntsha a mararo

SEO O KA ITHUTANG SONA HAPE:

Dibata tse hlahang ho Tšenolo kgaolo ya 13 di emelang?

    Dingolwa Tsa Watch Tower Tsa Sesotho South Africa (2000-2025)
    Log Out
    Log In
    • Sesotho (South Africa)
    • Share
    • Preferences
    • Copyright © 2025 Watch Tower Bible and Tract Society of Pennsylvania
    • Melao ya Tshebediso
    • Privacy Policy
    • Privacy Settings
    • JW.ORG
    • Log In
    Share