Re Leboha Modimo le Kreste ka Tokoloho ya Nakong e Tlang

Ke mathata afe ao o nang le ona? Na o hlooho ya lelapa mme o na le dintho tse ngata tseo o lokelang ho di etsa? Na o hodisa bana o le mong mme o sebetsa ka thata e le hore o hlokomele bana ba hao? Na o ngwana wa sekolo mme dithaka tsa hao ha di o tshware hantle? Na o a kula kapa ho na le dintho tseo o seng o sa kgone ho di etsa ka lebaka la botsofadi? Kaofela ha rona re na le mathata. Bakreste ba bangata ba ba le mathata a sa tshwaneng ka nako e le nngwe. Le ha ho le jwalo re a tseba hore haufinyane Jehova o tla fedisa mathata ao re nang le ona.​—2Ko 4:16-18.

Ho fihlela nako eo e fihla, se re kgothatsang ke ho tseba hore Jehova o utlwisisa mathata a rona, o ananela botshepehi le ho mamella ha rona ebile o tla re hlohonolofatsa haholo. (Jer 29:11, 12) Jesu le yena o a re rata. Re kgodisehile hore: “O na le rona” ha re ntse re sebeletsa Jehova. (Mat 28:20) Ka hoo, ha re ipha nako ya ho nahanisisa ka tokoloho eo re tla e fumana Mmusong wa Modimo sena se matlafatsa tshepo ya rona mme se etsa hore re ikemisetse ho mamella mathata ao re nang le ona hona jwale.​—Bar 8:19-21.

SHEBELLA VIDEO E RENG TSEPAMISA KELELLO HO JESU!​—DITLHOHONOLOFATSO TSA NAKONG E TLANG, EBE O ARABA DIPOTSO TSE LATELANG:

• Batho ba ile ba aroha ho Modimo jwang, hona ditlamorao e ile ya ba dife?

• Batho ba tshepahallang Jehova ba tla ba le bokamoso bo jwang?

• Ditlhohonolofatso tsee tse babatsehang di tla ba teng jwang?

• Ke ditlhohonolofatso dife tseo re tlo di fumana lefatsheng le letjha tse o thabisang?