PHELA JWALO KA MOKRESTE
Na o Bona ka Moo Jehova a Arabelang Dithapelo Tsa Hao ka Teng?
Bibele e tletse ka mehlala ya dithapelo tseo Jehova a ileng a di araba. Ha bahlanka ba Jehova ba ne ba bona ka moo a ba mamelang le ho ba thusa ka teng ha ba ena le mathata, tumelo ya bona e ne e matlafala. Ka hoo, ho molemo hore ha re rapela re tobe taba e le hore re ka bona ha Jehova a arabela dithapelo tsa rona. Dula o hopola hore karabo ya hae e ka fapana le seo o neng o se lebeletse kapa ya feta seo o neng o se kopile. (2Ko 12:7-9; Ef 3:20) Jehova a ka nna a araba dikopo tsa rona jwang?
A ka re fa matla, a re thusa ho kgoba matshwafo le ho re fa tumelo e le hore re ka sebetsana le mathata a rona.—Fil 4:13
A ka re fa bohlale e le hore re etse diqeto tse nepahetseng.—Jak 1:5
A ka re fa boikemisetso le matla a ho etsa ntho e itseng.—Fil 2:13
A ka re fa kgotso ha re tshwenyehile.—Fil 4:6, 7
A ka sebedisa batho ba bang ho re thusa ka seo re se hlokang le ho re tshedisa.—1Jo 3:17, 18
SHEBELLANG VIDEO YA JEHOVA KE YA “UTLWANG THAPELO” EBE LE ARABA DIPOTSO TSE LATELANG:
Mohlala wa Morabo rona Shimizu o ka re matlafatsa jwang ha re se re sa kgone ho etsa dintho jwalo ka pele ka lebaka la ho kula?
Re ka etsisa mohlala wa Morabo rona Shimizu jwang?