POTSO YA 4
Nka Lokisa Diphoso Tsa ka Jwang?
O NE O TLA ETSANG?
Nahana ka sena: Tim o ntse a bapala bolo le metswalle ya hae, jwale bolo e otla fensetere ya moahisani, mme e ya thubeha.
Haeba e ne e le wena, o ne o tla etsang?
NAHANISISA HANTLE!
O KA KGETHA HO ETSA E NNGWE YA DINTHO TSENA TSE THARO:
O ka baleha.
Wa re ke e mong.
Wa bolella moahisani se etsahetseng, mme wa ithaopela ho e patala.
O ka nna wa batla ho kgetha A. Empa ke ha bohlokwa hore o dumele diphoso tsa hao, ho sa tsotelle hore na o entseng.
MABAKA A MARARO A BONTSHANG BOHLOKWA BA HO DUMELA DIPHOSO TSA HAO
Ke ntho e nepahetseng.
Bibele e re: “Re lakatsa ho itshwara ka botshepehi dinthong tsohle.”—Baheberu 13:18.
Hangata batho ba tla o tshwarela ha o dumela diphoso tsa hao.
Bibele e re: “Ya kwahelang ditlolo tsa hae a ke ke a atleha, empa ya di bolelang mme a di tlohela o tla bontshwa mohau.” —Liproverbia 28:13.
Ntho ya bohlokwa le ho feta, o tla thabisa Modimo.
Bibele e re: “Motho ya mano ke ntho e manyala ho Jehova, empa o na le kamano e haufiufi le ba lokileng.”—Liproverbia 3:32.
Karina ya dilemo di 20 o ile a patela ntate wa hae hore o fumane tekete ya ho kganna ka lebelo le phahameng. Empa ntate wa hae o ile a qetella a tsebile. Karina o re: “Ka mora hore ho fete selemo ke e patile, ntate o ile a fumana tekete eo. Ke ile ka kena mathateng!”
O ile a ithutang ho see? Karina o re: “Ho thola ha o entse phoso ho senya ditaba le ho feta, hobane ka le leng di tla hlahella mme o tla kotula seo o se jetseng!”
O KA ITHUTA DIPHOSONG TSA HAO
Bibele e re: “Kaofela re kgoptjwa hangata.” (Jakobo 3:2) Ka hoo, jwalo ka ha re bone, motho ya dumelang diphoso tsa hae hanghang o bontsha hore o hodile kelellong ebile o ikokobeditse.
Ntlha e nngwe ke hore o ithute diphosong tsa hao. Ngwanana e mong ya bitswang Vera o re: “Ke leka ho ithuta ho hong diphosong tsa ka, mme seo se nthusa hore ke se ke ka di pheta nakong e tlang.” A re boneng hore na o ka etsa seo jwang.
Ntate wa hao o o adimile baesekele, jwale e a robeha. O ka etsang?
Na o tla thola, o tshepe hore a ke ke a e bona?
O tla bolella ntate wa hao se etsahetseng.
O tla bolella ntate wa hao se etsahetseng, ebe o re ke motho e mong.
O feitse tlhahlobo hobane o ne o sa bala. O ka etsang?
Na o tla re ke hobane e ne e le thata?
O tla dumela hore ke hobane o ne o sa bala.
O tla re ke hobane titjhere e sa o rate.
Ho dula o nahana ka diphoso tsa hao tsa nakong e fetileng ho tshwana le ho kganna koloi o shebile seipone se bontshang dikoloi tse tlang ka morao
Jwale nahana ka dintho tseo re sa tswa bua ka tsona, ebe o nahana hore na o ne o tla etsang haeba o ne o le (1) ntate wa hao (2) kapa titjhere. Ntate wa hao le titjhere ya hao ba ne ba tla o nka jwang haeba o ile wa dumela phoso ya hao di sa tloha feela? Ka lehlakoreng le leng, ba ne ba tla nahanang ka wena hoja o ile wa pata phoso ya hao?
Jwale nahana ka phoso eo o ileng wa e etsa selemong se fetileng, ebe o araba dipotso tse latelang.
O ile wa etsa phoso efe? Yaba o etsang?
Ke ile ka e pata.
Ke ile ka re e entswe ke motho e mong.
Ke ile ka e dumela.
Haeba ha o a ka wa dumela phoso ya hao, o ile wa ikutlwa jwang ka mora moo?
Ke ile ka thabela hore ha ho na motho ya ileng a tseba!
Ke ile ka ikutlwa ke le molato, ka lakatsa eka nkabe ke ile ka bua nnete.
O ka be o ile wa etsa dintho jwang ka tsela e molemo?
O ithutileng phosong eo?
O NAHANANG KA SEE?
Ke hobaneng ha batho ba bang ba sa batle ho dumela diphoso tsa bona?
Batho ba tla reng ka wena ha o dula o batla ho pata diphoso tsa hao? Empa ba tla reng ha o di dumela?—Luka 16:10.