Buka ya Modimo ke Letlotlo

1. Ho na le buka eo taba tsa yona

Di tlisetsang batho bohle kgotso.

Molaetsa wa yona o monate,

O re fa tshepo e re thabisang.

Ena ke Bibele e Halalelang.

Ditaba tsa yona di tswa ho Jah

A sebedisa batho ba mo ratang,

Ba susumetswa ke moya wa hae.

2. Ba buile ka popo ya Modimo,

Ka moo bokahohle bo bileng teng.

Ba buile ka moo batho ba pele

Ba ileng ba tloswa Paradeiseng.

Ba buile hape ka lengeloi

Le hanyeditseng bobusi ba Jah.

Yaba re qetella re na le sebe

Empa dintho tsohle di tla loka.

3. Jwale ke nako ya hore re thabe

Hobane Jesu o se a busa.

Re bolele ditaba tse monate,

Re thuse batho ba be le tshepo.

A re ithuteng Lentswe la Modimo

Hore re be le kgotso e ngata.

Lentswe lena le re tlisetsa thabo.

Bohle ba ke ba ithute lona.