THUTO YA 1

Mantswe a Susumetsang

Liketso 17:22

KAKARETSO: Mantswe a qalang puo ya hao a lokela ho susumetsa, a hlalose sehlooho sa hao a be a bontshe bamamedi bohlokwa ba puo ya hao.

Etsa hore batho ba batle ho o mamela. Kgetha potso, polelo, pale ya bophelo kapa ntho eo o e utlwileng ditabeng, e ka etsang hore bamamedi ba batle ho o mamela.

Nahana esale pele hore na bamamedi ba hao ba amehile le ho tshwenyeha kang mme o etse hore mantswe a qalang puo ya hao a dumellane le seo.
Hlalosa sehlooho sa hao. Etsa bonnete ba hore mantswe a qalang puo ya hao, a etsa hore bamamedi ba hlakelwe ke sehlooho le morero wa puo ya hao.
Bontsha bohlokwa ba puo ya hao. Etsa hore seo o se buang se dumellane le ditlhoko tsa bamamedi ba hao. Ba lokela ho utlwisisa hantle hore na puo eo e ka ba thusa jwang e le batho ka bo mong.

Ha o ntse o lokisetsa puo ya hao, ipotse, ‘Bara le baradibabo rona ka phuthehong, ba hlahelwa ke mathata afe?’ Ebe o etsa hore mantswe a qalang puo ya hao a dumellane le ditlhoko tsa bona.