Mesebetsi e Metle e ke Keng ya Lebalwa

Batho ba Jehova kaofela ba ka kgona ho mo etsetsa dintho tseo a ke keng a di lebala. Feela jwalo ka motswadi ya ratang bana ba hae mme a sa lebale dintho tse ntle tseo ba di entseng, Jehova le yena ha a lebale mesebetsi eo re e entseng le lerato leo re ileng ra le bontsha ka lebaka la lebitso la hae. (Mat 6:20; Heb 6:10) Ke nnete hore bokgoni le maemo a rona ha a tshwane. Le ha ho le jwalo, haeba re etsa sohle seo re ka se kgonang tshebeletsong ya rona ho Jehova, re tla thaba. (Gal 6:4; Kol 3:23) Dilemong tse ngata tse fetileng, bara le baradibabo rona ba bangata ba sebeleditse Bethele. Na o ka kgona ho ithaopela ho sebeletsa Bethele? Haeba o ke ke wa kgona, na o ka kgothalletsa motho e mong ho ithaopela ho ya sebeletsa teng, kapa wa thusa motho ya se ntse a sebeletsa Bethele hore a tswele pele ka tshebeletso ena e kgethehileng?

SHEBELLANG VIDEO E RENG IKETSE YA FUMANEHANG HO YA SEBELETSA BETHELE, EBE KA MORA MOO LE BUISANA KA DIPOTSO TSE LATELANG:

• Ke eng e lokelang ho o susumetsa hore o sebeletse Bethele?

• Batho bang ba reng ka ditlhohonolofatso tseo ba di fumanang ka ho sebeletsa Bethele?

• Ho hlokahala eng hore motho a tshwanelehe ho sebeletsa Bethele?

• O lokela ho etsa eng hore o sebeletse Bethele?