O ka Ithutang Dipineng Tsa Broadcasting?

Ke dipina dife tsa Broadcasting tseo o di ratang ka ho fetisisa? Ho na ke hobaneng ha o di rata? Na o bona di bua ka dintho tse etsahalang letsatsi le letsatsi? Dipina tsena di ama motho e mong le e mong ka ha di entswe ka ditsela tse sa tshwaneng hape di na le dihlooho tse ngata tse sa tshwaneng. Ho feta moo, dipina tsena tse hlahang Broadcasting tse mamelwang le tse shebellwang ha di a etsetswa hore batho ba ithabise feela.

Pina ka nngwe e re ruta thuto ya bohlokwa eo re ka e sebedisang bophelong ba rona le tshimong. Dipina tse ding di bua ka kamohelo ya baeti, bonngwe, botswalle, sebete, lerato kapa tumelo. Tse ding di bua ka ho kgutlela ho Jehova, ho tshwarela batho ba bang, ho dula re tshepahala le ho batla ditsela tse ding tsa ho sebeletsa Jehova. Ho na le pina e nngwe e hlahang Broadcasting e buang ka ho sebedisa founu hantle. Ke eng hape eo o ithutileng yona dipineng tse ding tsa Broadcasting?

SHEBELLA PINA E RENG ANANELA POPO YA MODIMO, EBE O ARABA DIPOTSO TSE LATELANG:

• Ke eng e thusitseng bana ba hlahang videong ee hore ba atamele haufi le Jehova?

• Ho nahanisisa ka popo ya Jehova ho ka re thusa jwang hore re ipone moo ha ditshepiso tsa Modimo di se di phethahala?

• Re ka bontsha jwang hore re ananela popo ya Jehova?

• Ke eng eo o e ratang ka popo ya Jehova?