Sebedisa Mehlala ho Hatisa Dintlha Tsa Sehlooho

Ha re etsa maeto a ho boela kapa re ithuta Bibele le batho, re lokela ho ba thusa hore ba utlwisise dintlha tsa bohlokwa. Ha re sebedisa dipapiso ho hlakisetsa batho dintlha tsa bohlokwa, ba tla ameha dipelo ba be ba nolofallwe ke ho hopola seo ba ithutileng sona.

Ha o ntse o lokisetsa leeto la ho boela kapa thuto ya Bibele, o ka kgetha dintlha tsa bohlokwa tseo o batlang ho bua ka tsona. Ebe ka mora moo o kgetha mohlala o bonolo oo batho ba ka o utlwisisang. (Mat 5:​14-16; Mar 2:​21; Lu 14:​7-11) Leka ho tseba motho eo o ithutang Bibele le yena le hore na o rata ho etsa dintho dife. (Lu 5:​2-11; Joh 4:​7-15) Ha o bona motho eo o ithutang le yena a thabile ka lebaka la ho utlwisisa ntlha eo, le wena o tla thaba.

SHEBELLANG VIDEO YA THABELA MOSEBETSI WA HO ETSA BARUTUWA​—NTLAFATSA TSELA EO O RUTANG KA YONA​—KA HO SEBEDISA MEHLALA HO HATISA DINTLHA TSA SEHLOOHO, EBE LE ARABA DIPOTSO TSE LATELANG:

• 

  Ke hobaneng ha batho bao re ithutang Bibele le bona ba hloka ho thuswa ho utliwisisa ditemana tsa Bibele?

• 

  Nteboheleng o ile a sebedisa papiso jwang ho hlakisa lengolo la Baroma 5:12?

• 

  Dipapiso tse bonolo di ka thusa batho bao re ithutang Bibele le bona jwang?

• Ha re ruta batho Bibele, ke hobaneng ha re lokela ho sebedisa divideo le dintho tse ding tse rutang tse lokiseditsweng ke mokgatlo wa Jehova?