Bontsha Lerato ka Lapeng

Lerato ke sekgomaretsi se kopanyang lelapa. Ha ho se na lerato ka lapeng, ditho tsa lelapa di ke ke tsa momahana le ho sebedisana hantle. Banna, basadi le batswadi ba ka etsang hore ho be le lerato ka lapeng?

Monna ya lerato o nahanela maikutlo a mosadi wa hae, dintho tseo a di hlokang le ditlhahiso tsa hae. (Ef 5:28, 29) O tla hlokomela lelapa la hae ka dintho tseo le di hlokang e le hore le phele, a be a le thuse ho rata Jehova ka hore a tshware Borapedi ba Lelapa ka mehla. (1Ti 5:8) Mosadi ya lerato o tla ikokobelletsa monna wa hae le ho bontsha hore o na le “tlhompho e tebileng” ho yena. (Ef 5:22, 33; 1Pe 3:1-6) Banyalani ba lokela ho tshwarelana ho tswa pelong. (Ef 4:32) Batswadi ba lerato ba tsotella ngwana e mong le e mong wa bona ebile ba ba ruta ho rata Jehova. (De 6:6, 7; Ef 6:4) Ke mathata afe ao bana ba bona ba kopanang le ona sekolong? Ba etsang ha ba hatellwa ke dithaka tsa bona? Ha ho na le lerato ka lapeng, e mong le e mong o tla ikutlwa a sireletsehile.

SHEBELLANG VIDEO YA TSWELAPELE HO BONTSHA LERATO KA LAPENG, EBE LE ARABA DIPOTSO TSE LATELANG:

• 

  Monna ya lerato o bontsha jwang hore o rata mosadi wa hae?

• 

  Mosadi ya lerato o bontsha jwang hore o hlompha monna wa hae ka ho tebileng?

• 

  Batswadi ba lerato ba ruta bana ba bona Lentswe la Modimo jwang?