Diteko Tsohle di Tla Fela

Ho ka ba bonolo hore diteko tseo re kopanang le tsona di re nyahamise, haholoholo ha di nka nako e telele. Davida o ne a tseba hore bothata ba hae bo neng bo bakwa ke Morena Saule bo ne bo tla fela, le hore e ne e tla ba morena jwalo ka ha Jehova a ne a tshepisitse. (1Sa 16:13) Tumelo eo Davida a neng a na le yona e mo thusitse hore a be le mamello le ho letela Jehova.

Ha re na le mathata, re ka leka ho sebedisa bohlale kapa tsebo ya rona ho fetola maemo a rona. (1Sa 21:12-14; Lipr 1:4) Le ha ho le jwalo, mathata a mang a tla dula a le teng esita le haeba re entse sohle seo re ka se kgonang ho a rarolla re sebedisa melaomotheo ya Bibele. Maemong a jwalo, re lokela ho ba le mamello mme re letele Jehova. Haufinyane o tla fedisa mathata a rona mme a ‘hlakole meokgo yohle’ ya rona. (Tše 21:4) Ebang mathata a rona a fediswa ke Jehova ka ho toba kapa a fela ka lebaka le leng le itseng, seo re se tsebang ke hore: Diteko tsohle di tla fela. Ho tseba seo ho ka re kgothatsa.

SHEBELLANG VIDEO YA BATHO BA MOMAHANENG LEFATSHENG LE AROHANENG EBE LE ARABA DIPOTSO TSE LATELANG:

• Ke mathata afe ao Bakreste ba karolong e ka borwa ya Amerika ba kopaneng le ona?

• Ba ile ba bontsha lerato le mosa jwang?

• Ba ile ba tswela pele ho “nepisisa dintho tsa bohlokwa” jwang?​—Fil 1:10