Tshepa Jehova ha o Ena le Mathata a Ditjhelete

Bophelo bo boima mehleng ena ya bofelo. Ha bofelo ba lefatshe bo ntse bo atamela, mathata a tla nne a eketsehe. Ka dinako tse ding, re ka haellwa ke dintho tsa ho iphedisa. (Hab 3:16-18) Ke eng e ka re thusang hore re sebetsane le mathata a ditjhelete? Re lokela ho tswela pele re tshepile Modimo wa rona Jehova. O tshepisitse ho hlokomela bahlanka ba hae. Ka hoo, re ka kgodiseha hore o tla re fa dintho tseo re di hlokang.​—Pes 37:18, 19; Heb 13:5, 6.

Seo o ka se etsang:

• Kopa Jehova hore a o tataise, a o fe bohlale a be a o thuse.​—Pes 62:8

• Ikemisetse ho etsa le mosebetsi oo o se nang tsebo ya wona.​—g 1/10 8-9, mabokose

• Tswela pele o bala Lentswe la Modimo letsatsi le leng le le leng, o ye dibokeng o be o nke karolo tshebeletsong ya tshimo

SHEBELLANG VIDEO YA HAHA NTLO E TIILENG​—“KGOTSOFALLA DINTHO TSE TENG” EBE LE ARABA DIPOTSO TSE LATELANG:

• Malapa a mang a na le mathata afe?

• Ntho ya bohlokwa ka ho fetisisa bophelong ke efeng?

• Re ka thusa batho ba nang le mathata a ditjhelete jwang?