Ntlha e botlaaseng ba leqephe

c Kosepeleng ya Luka, diteko tse tharo tsa Satane ha di a ngolwa ka tatellano empa bukeng ya Matheu teng ho bonahala di ngotswe ka tatellano. Ho entswe jwalo ka mabaka ana a mararo: (1) Bukeng ya Matheu moo ho buuwang ka teko ya bobedi, ho qadilwe ka lentswe la Segerike le bolelang “yaba” e leng ntho e bontshang hore teko ena e ne e tla ka mora ya pele. (2) Makgetlong a mabedi a pele ha Satane a leka Jesu, o ile a tla ho yena a ikgakantse a qala ka mantswe a reng, “Haeba o mora wa Modimo.” Ka hoo, ho a utlwahala hore diteko tsena tse pedi di ne di ka hlahlangwa ke ena ya boraro moo Satane a seng a mo toba ka ho mo leka hore a tlole molao wa Modimo. (Ex. 20:2, 3) (3) Ka mora hore Satane a leke Jesu ka lekgetlo la boraro, Jesu o ile a re: “Tloha Satane!” Ke ntho e utlwahalang hore Jesu o ne a ka bua mantswe ao hobane e ne e se e le lekgetlo la ho qetela Satane a mo leka.—Mat. 4:5, 10, 11.