Thabang Tshepong

Tshepo e tshwana le ankora. (Heb 6:19) E re thusa hore re dule re tiile ha re thulana le difefo tse matla. (1Ti 1:18, 19) Difefo tse matla di akarelletsa ho swetseha bophelong, ho lahlehelwa ke dintho tseo re nang le tsona, ho kula ho sa foleng, ho shwelwa ke motho eo re mo ratang kapa ntho le ha e le efe e ka lekang botshepehi ba rona.

Tshepo le tumelo di re thusa ho bona ka ho hlaka moputso oo re o tshepisitsweng. (2Ko 4:16-18; Heb 11:13, 26, 27) Ebang re na le tshepo ya ho phela lehodimong kapa lefatsheng, re lokela ho dula re matlafatsa tshepo ya rona ka ho nahanisisa ka ditshepiso tse ka lentsweng la Modimo. Nakong eo re thulanang le diteko, ho tla ba bonolo hore re dule re thabile.—1Pe 1:6, 7.

SHEBELLA VIDEO E RENG THABANG TSHEPONG, EBE O ARABA DIPOTSO TSE LATELANG:

• Ke hobaneng ha Moshe e le mohlala o motle oo re ka o latelang?

• Dihlooho tsa malapa di na le boikarabelo bofe?

• Le ka bua ka dihlooho dife nakong ya Borapedi ba Lelapa?

• Ho ba le tshepo ho ka o thusa jwang hore o be sebete ha o tobana le diteko?

• Ke eng seo o se labalabelang?