Tseba Haholwanyane ka NEW ZEALAND

DILEMO tse ka bang 800 tse fetileng, morabe wa Maori, o ile wa tsamaya sebaka se se telele ka sekepe ho fallela New Zealand. Eitse ha ba fihla moo, ba fumana sebaka se fapaneng hole le seo ba tswang ho sona dihlekehlekeng tsa Polynesia. Mona e ne e le sebaka se dithaba, se nang le pokello ya leqhwa, ka dinako tse ding ho tjhesa kapa lehlwa le kgetheha. Mofuta o mong wa batho ba tswang Europe, o ile wa fihla dilemo tse ka bang makgolo hamorao. Sena se etsa hore hona jwale, baahi ba New Zealand, ba phele hammoho le batho ba Anglo-Saxon le ba Polynesia. Batho ba bangata ba moo, ba itulela toropong. Motsemoholo wa moo e leng Wellington, o tsebahala e le ona o ipabolang lefatsheng lohle, ka ho ba le moruo o motle.

Ha ho makatse hore ho sa tsotellehe dibaka tsa yona tse ka thoko, ebe New Zealand e hohela bahahlaodi ba fetang dimilione tse 3 ka lebaka la botle ba yona bo hlollang.

Ho feta naha le ha e le efe e nngwe lefatsheng, New Zealand e ikgantsha ka mefuta e mengata ya dimela le diphoofolo esita le dinonyana tse sa fofeng. Ebile ke lehae la phoofolo e nngwe tjena e kang mokgodutswane e ka phelang dilemo tse 100! Diphoofolo tse anyesang tse fumanehang moo feela, ke bommankgane le diphoofolo tse kgolo tse phelang mawatleng jwalo ka maruarua le di-dolphins.

E se e le dilemo tse ka bang 120 jwale Dipaki Tsa Jehova di etsa mosebetsi oo di tsebahalang ka ona New Zealand. Di ruta Bibele ka dipuo tse ka bang 19, ho akarelletsa le dipuo tse buuwang Polynesia e leng Niuean, Rarotongan, Samoan, le Tongan.