Lipesaleme
Ho motsamaisi. Pina ea Davida.
140 Jehova, mpholose ho batho ba khopo,
U ntšireletse ho ba ratang ho loana,+
2 Ho ba rerang lintho tse khopo ka lipelong tsa bona+
Le ba lulang ba baka lintoa.
3 Maleme a bona a kotsi joaloka leleme la noha.+
Lintho tseo ba li buang li kotsi joaloka chefo ea noha ea marabe.+ (Selah)
Ba nchehetse maraba.+ (Selah)
6 Ke re ho Jehova: “U Molimo oa ka.
’Mamele ha ke u kopa thuso hle Jehova.”+
8 Jehova, u se ke oa lumella hore batho ba khopo ba fumane seo ba se batlang.
U se ke oa etsa hore merero ea bona e atlehe e le hore ba se ke ba ikhohomosa.+ (Selah)
10 E se eka mashala a hlenneng a ka oela holim’a bona.+
11 Motho ea etselletsang ba bang a se ke a atleha lefatšeng.+
E se eka batho ba ratang ntoa ba ka sotleha ’me ba felisoa.
12 Kea tseba hore Jehova o tla loanela ba maemong a tlase,
A etse hore ba futsanehileng ba ahloloe ka toka.+
13 Kannete ba lokileng ba tla rorisa lebitso la hao.
Ba tšepahalang ba tla lula ba le haufi le uena.+