16 Johanane mora oa Karea le balaoli bohle ba sesole ba neng ba e-na le eena ba khutla le batho bohle ba hapiloeng Mizpa, bao ba ba pholositseng matsohong a Ishmaele mora oa Nethania ka mor’a hore a bolaee Gedalia+ mora oa Akikame. Ba khutla le banna, masole, basali, bana le liofisiri tsa lekhotla ho tsoa Gibeone.

42 Balaoli bohle ba sesole, Johanane+ mora oa Karea, Jezania mora oa Hoshaia le sechaba sohle, ho tloha ho mofutsana ho ea ho morui, ba tla 2 ’me ba re ho moprofeta Jeremia: “Re kopa u re hauhele, u re rapelle ho Jehova Molimo oa hao molemong oa batho bohle ba setseng+ etsoe re ne re le bangata empa re se re le ’maloa joalokaha u bona. 3 E se eka Jehova Molimo oa hao a ka re bolella tsela eo re lokelang ho tsamaea ka eona le hore na re etse’ng.”