Liproverbia
30 Molaetsa o boima o hlahang mantsoeng a Agure mora oa Jake, oo a ileng a o bolella Ithiele le Ukale:
2 Har’a batho bohle, ke ’na ea se nang tsebo+
Ebile ha ke na kutloisiso eo motho a lokelang ho ba le eona.
3 Ha kea ithuta bohlale
Hape ha ke na tsebo eo Ea Halalelang ka ho Fetisisa a nang le eona.
4 Ke mang ea nyolohetseng leholimong eaba oa theoha?+
Ke mang ea bokeletseng moea ka liatleng tse peli?
Ke mang ea phuthetseng metsi ka seaparong sa hae?+
Ke mang ea behileng* meeli ea hore na lefatše le felle hokae?+
Lebitso la hae ke mang, la mora oa hae ke mang haeba lea tseba?
5 Polelo e ’ngoe le e ’ngoe ea Molimo e hloekile.+
Molimo ke thebe ho ba tšabelang ho eena.+
6 U se ke oa eketsa letho mantsoeng a hae,+
Ho seng joalo o tla u khalemela
Ebe u fumanoa u le leshano.
7 Ke kopa lintho tse peli ho uena.
Ke ikopela tsona feela ha ke sa ntse ke phela.
8 U nthuse hore ke qobe bolotsana le leshano.+
U se ke oa etsa hore ke futsanehe kapa ke rue.
Ntumelle feela hore ke je lijo tseo ke li hlokang+
9 E le hore ke se ke ka khora eaba kea u latola ’me ke re: “Jehova ke mang?”+
Kapa ka futsaneha eaba kea utsoa ’me ke senya Molimo oa ka lebitso.
10 U se ke oa etselletsa mohlanka ho mong’a hae,
Ho seng joalo a ka ’na a u rohaka eaba u fumanoa u le molato.+
14 Ho na le moloko oo meno a oona e leng lisabole,
Oo mehlahare ea oona e leng lithipa tse selakhang.
O ja bafutsana ba teng lefatšeng
Le bafutsana ba har’a lichaba.+
15 Likoili li na le barali ba babeli ba hoeletsang ba re: “Tlisa! Tlisa!”
Ho na le lintho tse tharo tse sa khotsofaleng,
Lintho tse ’nè tseo ho seng mohla li reng: “Ho lekane.”
16 Lebitla*+ le popelo e sa imeng,
Naha e se nang metsi
Le mollo oo ho seng mohla o reng: “Ho lekane.”
17 Makhoaba a likhohlo* a tla honya leihlo
La motho ea somang ntate oa hae le ea sa mameleng ’mè oa hae+
’Me malinyane a ntsu a tla ja leihlo la hae.+
19 Ntsu e fofang maholimong,
Noha e hahabang holim’a lefika,
Sekepe se tsamaeang bohareng ba leoatle
Le boitšoaro ba monna ha a e-na le moroetsana.
20 Mosali ea febang o etsa tjena:
Oa ja, a itlhakole melomo
Ebe o re: “Ha kea etsa phoso.”+
21 Ho na le lintho tse tharo tse tsukutlang lefatše
Le tse ’nè tseo le ke keng la li mamella:
22 Ha lekhoba le busa e le morena,+
Ha motho ea se nang kelello a ja lijo tse ngata ho tlola,
23 Ha mosali ea hloiloeng* a nyaloa,
Le ha mosebeletsi oa moroetsana a nka sebaka sa mong’a hae oa mosali.+
29 Ho na le tse tharo tse khahlehang ha li tsamaea,
Tse ’nè tse bohehang ha li tsamaea:
30 Tau e matla ka ho fetisisa har’a liphoofolo.