10 Maele a Solomone.+
Mora ea bohlale o thabisa ntate oa hae+
Empa mora ea se nang kelello ke mesarelo ea ’mè oa hae.
2 Matlotlo a fumanoeng ka bokhopo e tla ba a se nang thuso
Empa ho loka ke hona ho lopollang motho lefung.+
3 Jehova a ke ke a bolaisa ea lokileng tlala+
Empa o tla hanela ba khopo ka ntho eo ba e batlang.
4 Ea botsoa o tla futsaneha+
Empa ea khothetseng o tla rua.+
5 Mora ea bohlale o bokella lijo nakong ea lehlabula
Empa mora ea robalang ha ho kotuloa oa itlotlolla.+
6 Motho ea lokileng o tla hlohonolofatsoa+
Empa mantsoe a ba khopo a pata ntoa eo ba e koetlileng.
7 Ea lokileng o tla hopoloa le ho hlohonolofatsoa+
Empa lebitso la ba khopo le tla bola.+
8 Ea bohlale o tla mamela keletso+
Empa ea buang ka ho hloka kelello o tla timela.+
9 Ea tšepahalang o tla tsamaea a sireletsehile+
Empa ea sa tšepahaleng o tla senoleha.+
10 Motho ea kobang leihlo ka bolotsana o baka masisa-pelo+
’Me ea buang ka ho hloka kelello o tla timela.+
11 Molomo oa ea lokileng ke mohloli oa bophelo+
Empa mantsoe a ba khopo a pata ntoa eo ba e koetlileng.+
12 Lehloeo ke lona le tsosang liqabang
Empa lerato le koahela liphoso tsohle.+
13 Bohlale bo fumanoa mantsoeng a motho ea nang le kutloisiso+
Empa thupa e shapa ea se nang kelello.+
14 Ba bohlale ba baballa tsebo+
Empa lipuo tsa leoatla li baka likhathatso.+
15 Maruo a morui aa mo sireletsa.
Empa bafutsana ba bolaoa ke bofutsana ba bona.+
16 Mesebetsi ea motho ea lokileng e lebisa bophelong
Empa mesebetsi ea motho ea khopo e lebisa sebeng.+
17 Ea mamelang ha a khalemeloa ke tsela e lebisang bophelong
Empa ea sa mameleng ha a khalemeloa o khelosa ba bang.
18 Ea patang lehloeo la hae o bua leshano+
’Me ea senyang ba bang lebitso ha a na kelello.
19 Ha motho a bua haholo a ke ke a qoba ho etsa phoso+
Empa ea laolang lipuo tsa hae o etsa lintho ka bohlale.+
20 Leleme la ea lokileng le tšoana le silevera e ntle+
Empa pelo ea ea khopo ha e na thuso.
21 Mantsoe a ea lokileng a tataisa ba bangata+
Empa maoatla a shoa ka lebaka la ho hloka kelello.+
22 Tlhohonolofatso e tsoang ho Jehova e ruisa motho+
Ebile ha e tlise bohloko.
23 Ho ea se nang kelello, ho etsa boitšoaro bo hlabisang lihlong ho joaloka papali
Empa bohlale ke ba motho ea nang le kutloisiso.+
24 Ntho eo ea khopo a e tšohileng ke eona e tla mo hlahela
Empa lintho tseo ba lokileng ba li labalabelang li tla phethahatsoa.+
25 Ha setsokotsane se feta, ea khopo o tla ba sieo+
Empa ea lokileng ke motheo ka ho sa feleng.+
26 Joaloka vinika menong le joaloka mosi mahlong,
Motho ea botsoa o joalo ho ea mo hirileng.
27 Ho hlompha Jehova ho lelefatsa lilemo tsa bophelo+
Empa ba khopo ba tla li fokoletsoa.+
28 Tšepo ea ba lokileng e tlisa thabo+
Empa tšepo ea ea khopo e tla fela.+
29 Tsela ea Jehova ke tšireletso bakeng sa ea lokileng+
Empa ke tlokotsi ho ba khopo.+
30 Ha ho mohla motho ea lokileng a tla oa+
Empa ba khopo ba ke ke ba hlola ba lula lefatšeng.+
31 Molomo oa ea lokileng o hlahisa bohlale
Empa leleme la ea leshano le tla khaoloa.
32 Molomo oa ea lokileng o bua lintho tse thabisang
Empa molomo oa ea khopo o bua leshano.