Lipesaleme
Pina ea Davida.
141 Jehova, ke llela ho uena.+
Potlaka u tl’o nthusa.+
U ’mamele ha ke llela ho uena.+
2 Thapelo ea ka e ke e be joaloka libano+ tse lokisitsoeng ka pel’a hao,+
Matsoho a ka ao ke a phahamisitseng a be joaloka nyehelo ea lijo* ea mantsiboea.+
4 U se ke oa ntumella hore ke lakatse ho etsa lintho tse mpe+
Kapa hore ke etse lintho tse sa lokang le batho ba khopo.
Ha ke batle ho ja lijo tsa bona tse monate.
5 Haeba ea lokileng a ka nkotla, seo se ne se tla bontša hore oa nthata.*+
Haeba a ne a ka nkhalemela, e ne e tla ba joalokaha eka o ntšela ka oli hloohong,+
Ke ne nke ke ka hana.+
Ha a le mathateng, ke ne ke tla ’ne ke mo rapelle.
6 Batho ba tla mamela mantsoe a ka hobane a monate
Le hoja baahloli ba bona ba liheloa fatše ba le mafikeng.
8 Ke tšepetse ho uena Jehova ’Musi oa Lintho Tsohle.+
Ke balehela ho uena.
U se ke oa ntlohela hore ke shoe.
9 Ntšireletse hore ke se ke ka tšoasoa ke leraba leo ba nchehetseng lona.
U ntšireletse marabeng a batho ba khopo.