Liproverbia
25 Ana le ’ona ke maele a Solomone+ ao bahlanka ba Ezekiase+ morena oa Juda ba ileng ba a kopitsa:*
2 Molimo o tlotlisoa ke ha taba e bolokoa e le sephiri,+
Marena ’ona aa tlotlisoa ha a batlisisa taba.
3 Feela joalokaha maholimo a phahame le lefatše le tebile,
Lipelo tsa marena le tsona li ke ke tsa utloisisoa.
7 Ho molemo hore eena a re ho uena: “Nyolohela mona,”
Ho feta hore a u tlotlolle ka pel’a bahlomphehi.+
9 Lokisa litaba le moahisani oa hao.+
U se ke oa ntša makunutu a hae*+
10 Hobane ea u mametseng o tla u tlotlolla
’Me lintho tse mpe tseo u li buileng,* u ke ke oa li khutlisa.
11 Lentsoe le builoeng ka nako e nepahetseng
Le joaloka liapole tsa khauta ka lijaneng tsa silevera.+
12 Motho ea khalemelang ka bohlale
O tšoana le lesale la khauta le mokhabiso oa khauta e hloekileng ho motho ea mamelang.*+
13 Moromuoa ea tšepahalang
O joaloka serame sa lehloa* letsatsing la kotulo
Kaha o hlasimolla mong’a hae.+
14 Motho ea ithorisang ka hore o tl’o fana ka mpho empa a sa etse joalo,*+
O tšoana le maru le moea tse sa tliseng pula.
16 Ha u fumana mahe a linotši, ja a u lekaneng feela,
Ha u ja a mangata haholo, u ka ’na oa a hlatsa.+
17 U se ke oa chakela moahisani oa hao hangata
E le hore u se ke oa mo tena eaba oa u hloea.
18 Motho ea fanang ka bopaki ba bohata khahlanong le moahisani oa hae+
O joaloka molamu oa ntoa, sabole le motsu o leolitsoeng.
19 Ho tšepa motho ea sa tšepahaleng* linakong tsa mahlomola
Ho tšoana le ho hlafuna ka leino le pshatlehileng le ho tsamaea ka leoto le holofetseng.
20 Motho ea binelang pelo e hlomohileng lipina+
O tšoana le motho ea hlobolang seaparo ha ho bata
Le vinika ha e tšeloa holim’a soda.*
21 Haeba motho ea u hloileng a lapile, u mo fe bohobe hore a je,
Haeba a nyoriloe, u mo fe metsi hore a noe.+
25 Tlaleho e monate e tsoang naheng e hole+
E tšoana le metsi a pholileng ha a nooa ke motho ea* khathetseng.
27 Ha se ntho e ntle hore motho a je mahe a linotši a mangata haholo.+
Hape ha ho hotle hore motho a ipatlele thoriso.+