Lipesaleme
Ho motsamaisi. E letsoe ka molumo oa “Lipalesa.”* Pesaleme ea Davida.
69 Mpholose hle Molimo hobane ke haufi le ho khangoa ke metsi.+
2 Ke tetebetse seretseng se tebileng, moo ho se nang mobu o ommeng.+
Ke kene metsing a tebileng,
Nokana e phallang e nkhohotse.+
3 Ke khathetse ke ho hoeletsa.+
Ke chele lentsoe.
Mahlo a ka a khathetse ke ho letela Molimo oa ka.+
Ba batlang ho mpolaea,
Lira tsa ka tse bolotsana* li se li le ngata.
Ba ile ba nqobella hore ke khutlise seo ke neng ke sa se utsoa.
5 Molimo, u tseba booatla ba ka,
Molato oa ka ha oa pateha ho uena.
6 E se eka ba u tšepileng ba ke ke ba hlajoa ke lihlong ka lebaka la ka,
’Musi oa Lintho Tsohle, Jehova oa mabotho.
E se eka ba u batlang ba ke ke ba tlotlolleha ka lebaka la ka,
Molimo oa Iseraele.
7 Kea nyatsuoa ka lebaka la hao.+
Ke aparetsoe ke lihlong.+
9 Cheseho ea ka bakeng sa ntlo ea hao e tuka joaloka mollo ka pelong ea ka+
Le lithohako tsa ba neng ba u rohaka li oetse holim’a ka.+
12 Batho ba lulang keiting ea motse ba bua ka ’na
Le matahoa a bina ka ’na.
Ka lebaka la lerato* la hao le leholo, Molimo,
Nkarabe ’me u bontše hore u mopholosi oa ka ea tšepahalang.+
14 Mpholose seretseng.
U se ke oa ntlohela hore ke tetebele.
Mpholose ho ba ntlhoileng
Le metsing a tebileng.+
16 Nkarabe hle Jehova hobane oa nthata.*+
Nkarabe kapele hobane ke tšoenyehile.+
18 Nkatamele, u mpholose.
Ntopolle ka lebaka la lira tsa ka.
19 U tseba kamoo ke nyatsuoang, ke hlabisoang lihlong le kamoo ke tlotlolloang kateng.+
U bona lira tsa ka tsohle.
20 Pelo ea ka e bohloko ka lebaka la ho nyefoloa ’me leqeba la teng ha le fole.*
Ke ne ke lebelletse ho utloeloa bohloko empa ha ho na ea ileng a etsa joalo+
Le hore ho be le ba ntšelisang empa ba ne ba le sieo.+
21 Ho e-na le ho mpha lijo ba ile ba mpha chefo,*+
Ha ke ne ke nyoriloe ba ile ba mpha vinika hore ke e noe.+
23 Mahlo a bona a fifale e le hore ba se ke ba bona,
U etse hore matheka a bona a lule a thothomela.
25 Sebaka seo ba hlommeng litente ho sona* se ke se hloke baahi.
Ho se ke ha e-ba le motho ea lulang litenteng tsa bona.+
26 Ba lelekisa eo u mo otlileng,
Ba ntse ba bua ka bohloko ba bao u ba hlokofalitseng.
27 Eketsa molato oa bona ka molato o mong,
E se eka u ke ke oa ba nka e le ba lokileng.
29 Ke tšoenyehile ebile ke utloile bohloko.+
E se eka matla a hao a pholosang a ka ntšireletsa hle Molimo.
30 Ke tla binela lebitso la Molimo lithoriso,
Ke tla mo tlotlisa ka ho mo leboha.
31 Sena se tla thabisa Jehova ho feta mahlabelo a lipoho,
Ho feta lipohoana tse nang le manaka le litlhakoana.+
32 Ba bonolo ba tla bona molemo oa Molimo ’me ba thabe.
Lona ba sebeletsang Molimo, le khothale.
Ba tla lula moo ’me e tla ba lefa la bona.*