Karolo ea 2

Liphetoho Bophelong

Na ha u rate tsela eo ’mele oa hao o hōlang ka eona?

□ E □ Che

Na liphetoho tsa ho kena bohlankaneng kapa boroetsaneng li etsa hore u ikutloe u jeoa ke bolutu, u ferekane, kapa u tšohile?

□ E □ Che

Na u qeta nako e ngata ka letsatsi u nahana ka banana kapa bashanyana?

□ E □ Che

Haeba ho na le moo u tšoaileng “e” lipotsong tsena tse ka holimo, u se ke ua tšoha—seo ha se bolele hore ho na le ho phoso ka uena! ’Nete ke hore liphetoho tse bang teng ’meleng le maikutlong ha u kena lilemong tsa bocha li ka etsa hore u ikutloe u thabile haholo, u nyahame, kapa u ikutloe ka litsela tse ling tse fapaneng. Ke ’nete hore ke khale u batla ho ba motho e moholo, empa joale ha sena se etsahala, e ka ba ntho e tšosang! Khaolong ea 6-8 u tla thusoa hore u sebetsane hantle le liphetoho tse etsahalang bophelong.

[Setšoantšo se tletseng leqephe la 56, 57]