Mohlala o Motle oa Moshe

Moshe o ne a e-na le menyetla e mengata bophelong. O ne a hōletse lelapeng la borena la Faro ’me a rutiloe ka bohlale bohle ba Egepeta. (Liketso 7:22) O ne a tla etsa’ng ka koetliso eo a e fumaneng? O ne a ka fumana botumo, leruo le matla. Leha ho le joalo, ha aa ka a susumetsoa ke khatello ea lithaka ebile ha aa ka a hoheloa ke takatso ea boithati. Ho e-na le hoo, o ile a khetha ho etsa seo ntle ho pelaelo se ileng sa makatsa batho ba bangata. O ile “a khetha ho tšoaroa hampe hammoho le sechaba sa Molimo.” (Baheberu 11:25) Na Moshe o ile a lahleheloa ke molemo o itseng ka lebaka la seo a ileng a se khetha? Che. Kaha o ile a khetha ho sebeletsa Molimo le ho thusa batho, o ile a phela bophelo bo thabisang le bo khotsofatsang.

Haeba u bile le monyetla oa ho fumana thuto e ntle ea motheo, u tla sebelisa monyetla oo joang? U ka khetha ho lelekisa chelete kapa ho ba le matla. Kapa joaloka Moshe, u ka etsa ntho eo ruri e leng ea bohlokoa bophelong. U ka sebelisa bokhoni ba hao le matla hore u sebeletse Molimo le baahelani. (Matheu 22:35-40) Ha ho tsela e putsang ho feta eo bophelong!