KHAOLO 15

Ho Bua ka Kholiseho

1 Bathesalonika 1:5

NTLHA-KHOLO: Bontša hore u kholisehile hore seo u se buang ke ’nete le hore ke sa bohlokoa.

Lokisetsa hantle. Bala taba ho fihlela u utloisisa hore na Mangolo a e tšehetsa joang. Leka ho ba mokhutšoanyane u be u tobe taba ha u buella lintlha tsa sehlooho. Ameha kamoo lintlha tseo li tla tsoela bamameli molemo kateng. Rapella moea o halalelang.

Ha u lokisetsa, bua ka lentsoe le phahameng e le hore u tloaelane le taba eo u tl’o bua ka eona.
Bua ka kholiseho. Ho e-na le ho bala se ngotsoeng fatše, bua taba ka mantsoe a hao. Bua ka tsela e bontšang hore u kholisehile ka seo u buang ka sona.
Bua ho tsoa pelong. Etsa hore molumo oa lentsoe la hao e be o lekaneng bamameli ba hao. Haeba ho loketse, sheba bamameli ha u ntse u bua.

Ho bua ka kholiseho ha ho bolele ho phasoloha feela, kapa ho tsitlella maikutlong a hao. Bua ka tsela e mosa le e lerato le hoja u ntse u kholisehile ka seo u se buang.