Molula-Qhooa o nka Bohato Ba ho Hatisoa ka Nako e le ’Ngoe

Ka Phupu 1879 tokollo ea pele ea makasine ona ea re: “Joalokaha lebitso la oona le supa, o rerile ho ba qhooa eo ho eona litaba tse khahlisang le tse molemo li ka tsebisoang ‘mohlatsoana.’ Kajeno, Molula-Qhooa o fana ka lijo tsa moea le ho “bongata bo boholo” ba batho ba tšepahalang ba lebeletseng pele ho fumana bophelo bo sa feleng hona mona lefatšeng.—Luka 12:32; Tšenolo 7:9-17.

Ha khatiso ea Molula-Qhooa e eketseha ha eketseha le palo ea lipuo tseo o ngoloang ka tsona. Kajeno, lipuo tsena li 102. Litlaleho li bontša hore lipeeletso tse ncha tsa Molula-Qhooa le molekane oa ’ona Tsoha! li eketsehile haholo lilemong tse 70 tse fetileng. Le kabo ea makasine ka mong tšimong e eketsehile. Lipalo tse ling tse teng ke tsena:

Selemo Lipeeletso tse Ncha Limakasine tse Tsamaisitsoeng

1914 2 746 95 973

1944 292 258 9 293 913

1964 1 551 436 127 055 165

1984 1 812 221 287 358 064

Hona joale re finyelletse tsoelo-pele e ’ngoe e khōlō historing ea lilemo tse 105 ea Molula-Qhooa—ho hatisoa ha ’ona ka nako e le ’ngoe ka lipuo tse 20 le ho feta. Ke tsoelo-pele e thabisang ka sebele! E se e ka Jehova a ka tsoela pele a sebelisa makasine ena ka matla ho tsebahetseng ’Muso oa hae ka Kreste Jesu!

[Litšoantšo tse leqepheng la 8, 9]

Se-Swedishe

Sedenishe

Se-Norway

Sefinishe

Sepotoketsi

Sejeremane

Sepedi

Sesotho

Se-Tsonga

Se-Zulu

Sedache

Sefora

Sepanishe

Setaliana

Afrikaans

Sejapane

Setswana

Se-Venda

Se-Xhosa

Se-Cibemba