“Ke Batla ho ba Mokreste ea sa Sekisetseng”

Kamor’a hore mohlankana oa Zimbabwe a bale buka e nang le sehlooho “Thato ea Hao e Etsoe Lefatšeng,” e hatisitsoeng ke Watchtower, a ngola taba e latelang:

“Ka lilemo tse fetileng ke ’nile ka hlokomela hore mona Zimbabwe ke Iōna feela, Lipaki tsa Jehova, ba lekang ka matla ho hata mohlaleng oa Kreste. Ke setho sa Kereke ea Sabbatha, empa ho bonahala e se e ka Kereke ea ka naheng ena e felletsoe ke tšusumetso ea moea o halalelang. Re sekisetsa le lefatše. Ka mohlala, tumelo ea rōna e tšoana le ea lōna, tabeng ea hore Kreste ha a tsoaloa ka la 25 Tšitoe, empa leha ho le joalo baruti ba rōna ba re bolella hore re ka ’na ra keteka Keresemese hafeela re ntse re hopola hore Kreste o shoetse libe tsa rōna. . . .

“Ke khathatse ke ’na ke ipitsa Mokreste ha bophelo ba ka bo fapane hōle le mohlala oa Jesu. Ke batla ho ba Mokreste ea sa sekisetseng . . . Kamoo ke tsebang kateng, ke Iōna sehlopha se le seng feela se nkholisang ka lerato la Molimo le matla a evangeli ea Oona, ka bophelo ba Iōna e seng feela ka lipolelo le ka lingoloa. Le phelela evangeli le ho e ruta ha batho ba bangata ba ruta evangeli empa ba sa e phelele.”