Na Molimo o Busa Lefatše?

KE Sontaha hoseng. Batho ba bangata ba theoha betheng, baa apara, ba ja lijo tsa hoseng, ’me ba potlakela kerekeng. Moo ba mamela thuto e mabapi le kamoo Molimo a busang ka ho phahameng ka ho fetisisa holim’a lefatše, kamoo matla a hae a ho laela a ke keng a tsekisoa. Ba bolelloa hore o tsotella batho ka ho tebileng. Ho boetse ho buuoa ka Jesu Kreste. Ba ka ’na ba utloa hore ke Morena oa marena eo mangole ’ohle a mo khumamelang ka kutlo.

Ha ba fihla hae ba tsoa kerekeng, batho bana ba ka ’na ba bulela thelevishene ’me ba shebella litaba. Joale ba utloa ka tlala ea sekoboto, tlōlo ea molao, tšebeliso e mpe ea lithethefatsi, bofutsana. Hape ba bona litšoantšo tse hlomolang pelo tsa boloetse le lefu.

Batho ba joalo ba ka ’na ba qala ho ipotsa ka lintho tseo ba li utloileng kerekeng ’me haholo-holo mabapi le litaba tseo ho seng mohla li hlalosoang moo. Haeba Molimo a le lerato ’me a le matla ’ohle, ke hobane’ng ha lintho tse tšabehang li etsahala? ’Me ho thoe’ng ka Jesu Kreste? Ka ho totobetseng, ho na le mangole a mangata a sa mo khumameleng ka kutlo.

[Litšoantšo tse leqepheng la 3]

Haeba Molimo a busa lefatše, ke hobane’ng ha ho e-na le bohloko le pherekano tse kaale?

[Tlhaloso ea Moo Setšoantšo se Nkiloeng Teng e leqepheng la 2]

Cover: NASA photo