Tsa Bacha
Qoba ho Tloaelana le Batho ba Babe!
Litaelo: Balla mangolo ana moo ho khutsitseng. Ha u ntse u a bala, nka hore u boemong boo. Ipone u le moo. Utloa ha batho bao ba bua. Ikutloe joaloka batho bao ho buuang ka bona. Phelisa seo u se balang.
Batho ba ka sehloohong tlalehong ena: Dina, Shikeme, Jakobo, Simeone le Levi
Kakaretso: Dina o betoa ke Shikeme ’me likhaitseli tsa hae tse halefileng lia iphetetsa.
1 NAHANISISA KA KETSAHALO ENA.—BALA GENESE 34:1-31.
U nahana hore e ka ’na eaba Dina o ne a tloaetse ho etsa’ng le metsoalle ea hae Kanana?
․․․․․
U nahana hore Shikeme o ne a fana ka mabaka afe ha a ntse a “bua . . . ka mokhoa o susumetsang” le Dina?
․․․․․
U utloa eka Jakobo o ne a bua ka pelo e joang ha a khalemela Simeone le Levi temaneng ea 30?
․․․․․
2 AK’U JE MASAPO A HLOOHO.
U nahana hore ke hobane’ng ha Dina a ne a chakela banana ba Bakanana khafetsa? (Ka mohlala, ke lintho life tseo e ka ’nang eaba o ne a tšoana le bona ka tsona? E ka ’na eaba o ne a fumana eng ho batho ba Bakanana eo a neng a sa e fumane ho batho ba habo?)
․․․․․
Ke litšobotsi life tse khahlisang tseo e ka ’nang eaba Dina o ile a li bona ho Shikeme? (Bala temana ea 3, 12, le ea 19 hape.)
․․․․․
Bibele e bontša joang hore Dina o ne a sa ikemisetsa ho kopanela liphate le Shikeme? (Bala temana ea 2 hape.)
․․․․․
Na u nahana hore e ne e le hantle hore Simeone le Levi ba iphetetse ka ho bolaea batho ba motse oa Shikeme? Hobane’ng u nahana joalo?
․․․․․
3 SEBELISA SEO U ITHUTILENG SONA. NGOLA SEO U ITHUTILENG SONA MABAPI LE . . .
Bohlokoa ba ho khetha batho bao u tloaelanang le bona ka hloko.
․․․․․
Molemo oa ho ithiba, le haeba u e-na le lebaka le utloahalang la ho halefa.
․․․․․
LINTHO TSE LING TSEO U KA ITHUTANG TSONA.
U ka etsa’ng e le hore u qobe ho hlekefetsoa ka ho kopanela liphate ke batho ba sa hlompheng melao ea Molimo ea boitšoaro?
․․․․․
4 U ITHUTILE ENG EA BOHLOKOA TLALEHONG EE, HONA HOBANE’NG?
․․․․․
Haeba u se na Bibele, e kōpe ho Lipaki Tsa Jehova kapa u bale lingoliloeng tse ling tsa Bibele inthaneteng ho www.watchtower.org