Moevangeli ke motho ea etsang eng? Sehlooho sena se araba potso ena se bile se bontša hore na ke hobane’ng ha batho ba hloka ho bolelloa litaba tse molemo. Se boetse se re hlalosetsa hore na re ka atleha joang ho phetha mosebetsi oa rōna oa boevangeli.

▪ Na U ‘Chesehela Mesebetsi e Metle’?

Sehlooho sena se tšohla litsela tse peli tseo ha re “chesehela mesebetsi e metle” re ka hulelang batho ho Molimo ka tsona. (Tite 2:14) Tsela ea pele ke ha re etsa mosebetsi oa rōna oa boboleli. Tsela e ’ngoe ke ka boitšoaro ba rōna bo bontšang hore re tšaba Molimo.

▪ Matlafatsang Lenyalo la Lōna ka Hore le be le Puisano e Ntle

▪ Batsoali, Bana—Buisanang ka Lerato

Puisano e ntle ke ea bohlokoa e le hore banyalani ba thabe lenyalong le hore ba thabele bophelo ba lelapa. Sehlooho sa pele se bontša hore na ke litšobotsi life tse ka re thusang hore re be le puisano e ntle. Sehlooho sa bobeli se bontša hore na ke sefe seo batsoali le bana ba ka se etsang e le hore ba hlōle lintho tse ka ba sitisang hore ba buisane.

▪ Sireletsa Lefa la Hao ka ho Etsa Liqeto Tse Bohlale

Bakreste ba tšepisitsoe lefa lefe la moea? Re ka ithuta’ng mabapi le lefa la rōna mohlaleng oa Esau o re lemosang? Ke mehato efe eo re lokelang ho e nka e tla re thusa hore re etse liqeto tse bohlale mabapi le lefa la rōna? Lipotso tsena li arajoa sehloohong sena..

LIHLOOHO TSE LING MAKASINENG ENA

13 Lipotso Tse Tsoang ho Babali

24 Lebaka Leo ka Lona Bophelo ba Rōna bo Nang le Morero oa Sebele

31 Nalane ea Rōna

SEKOAHELONG: Baralib’abo rōna ba sebelisa lingoliloeng tsa Segujarati ho pakela morekisi karolong e ka leboea-bophirimela ea London

LONDON, ENGELANE