Ketsahalo e sa Lokelang ho U Fosa

Bosiung ba pele a nehela bophelo ba hae, Jesu o ile a laela balateli ba hae ba tšepahalang hore ba hopole sehlabelo sa hae. O ile a sebelisa bohobe bo sa lomosoang le veine e khubelu tse neng li le ka pel’a bona, eaba o theha ketsahalo e ’nileng ea bitsoa Selallo sa Morena kapa Lijo Tsa Shoalane Tsa Morena ’me a re: “Le ’ne le etse sena ho nkhopola.”—Luka 22:19.

Selemo le selemo, Lipaki Tsa Jehova lia bokana e le hore li ikhopotse lefu la Jesu. Ka 2014, Sehopotso se tla ba ka Mantaha oa la 14 April, ka mor’a hore letsatsi le likele.

Re u mema ka mofuthu hore u be teng sebokeng sena, moo ho tla hlalosoa ka ho eketsehileng mabapi le bohlokoa ba lefu la Jesu la sehlabelo. Ho kenoa mahala. Ha ho ntšoe koleke. Motho ea u fileng makasine ena o tla u bolella hore na Sehopotso se tla tšoareloa hokae sebakeng sa heno le hore na se tla ba ka nako mang, kapa u ka ’na ua kena Websaeteng ea rōna e leng jw.org/st. Ka kōpo lula u hopola letsatsi lena la Sehopotso ’me re tšepa hore le ke ke la u fosa.