Liboka tse Re Thusang ho Etsa Barutuoa
BEKE E QALANG KA JULY 2
10 mets: Litsebiso tsa phutheho le Litsebiso tse loketseng ho Tšebeletso ea Rona ea ’Muso. Totobatsa lihlooho tse ka sebelisoang tšebeletsong ea limakasine Moqebelong ona. Lipontšo tse peli, pontšo ka ’ngoe e totobatse sehlooho se itseng ho tsoa makasineng.
15 mets: “Ho Hlokahala Hore Kaofela re Ithute.” Lipotso le likarabo. Qetella ka litlhaloso (1) tse tsoang ho bahoeletsi ba lopollang nako ’me ba e-na le kemiso e ntle ea ho ithuta, le (2) tse amanang le melemo e fumanoang ka ho bala likhatiso tsa khalenyana tse boletsoeng ho serapa 5.
10 mets: “Ho Bolela Litaba tse Molemo Masimong a Rōna a sa Abuoang.” Puo ka molebeli oa tšebeletso. Bolela ka ho hlaka litokisetso tsa phutheho ’me u ba memele ho li tšehetsa ka botlalo.
10 mets: Lintlha tse Thahasellisang Libukaneng tse Lekanang le Makasine. Buisana le bamameli ka ho buella lintlha tse khōlō tse tsoang libukaneng tse fapa-fapaneng tse lekanang le makasine tseo phutheho e nang le tsona bakeng sa ho sebelisoa tšebeletsong. U ka ’na ua abela bahoeletsi ba tšoanelehang esale pele. Pina 20 le thapelo e koalang.
BEKE E QALANG KA JULY 9
10 mets: Litsebiso tsa phutheho le tlaleho ea lichelete. Akarelletsa liteboho leha e le life bakeng sa menehelo. Babatsa phutheho ka ho tšehetsa mosebetsi oa lefatše ka bophara oa ’Muso ka lichelete hammoho le ho hlokomela litlhoko tsa phutheho.
20 mets: “Khothalletsa Liithuti tsa Bibele Ho Hatela Pele.” Puisano ka lipotso le likarabo. Ha le buisana ka serapa 4, etsa pontšo e lokiselitsoeng hantle e bontšang kamoo mohoeletsi ea nang le phihlelo a khothalletsang seithuti hore se hatele pele ha ba buisana ka serapa 3 ho leqephe 14 la bukana e lekanang le makasine Li Etsa Thato ea Molimo.
15 mets: Ke Neng Seithuti sa Bibele se ka ’Nang sa Kopanela Tšebeletsong ea Phatlalatsa? Puo ka moholo e theiloeng ho Molula-Qhooa oa December 1, 1989, “Lipotso tse Tsoang ho Babali,” leqephe 31. Hatisa hore ba bacha ’neteng, ntle ho bana ba rōna, ha baa lokela ho memeloa hore ba tsamaee le rōna tšebeletsong ea tšimo ho fihlela ha baholo ba babeli ba buisane le bona ’me ba bone hore baa tšoaneleha.
Pina 217 le thapelo e koalang.
BEKE E QALANG KA JULY 16
10 mets: Litsebiso tsa phutheho. Hlahlobang lintlha tse ikhethang tsa tlaleho ea April. Babatsa phutheho ka lintho tseo e li finyelletseng sebakeng sa heno. Ba khothalletse ho kopanela tšebeletsong ea tšimo mafelo-bekeng ana a tlang.
20 mets: “Karolo ea Hao ho Etseng Hore Liboka li Ruise Molemo.” Moholo o etsa puisano ka lipotso le likarabo. Hatisa lintho tse hlokang tlhokomelo sebakeng sa lōna. Ba babatse moo ho loketseng.
15 mets: Ho Lekanyetsa Litebello tsa Hao Tsa ho ba Pula-maliboho. Puo e khothatsang le lipuisano. Afrika Boroa, hona joale re na le bo-pula-maliboho ba ka mehla ba ka bang 3,700 ba tsoang mefuteng eohle ea bophelo le maemong a fapa-fapaneng. Ba susumellelitsoe ke eng ho bula maliboho? Ke lerato ho Jehova le ho moahisani (Matt. 22:37-39); kameho e tebileng ka batho le takatso ea ho thusa ba eketsehileng hore ba bolokehe (1 Tim. 2:4); moea oa ho itela molemong oa lithahasello tsa ’Muso. (1 Ba-Kor. 9:23) Takatso e tlameha ho hlaoleloa. Na u etsa joalo? Mehato eo u ka e nkang haeba u lakatsa ho bula maliboho: (1) Isa taba eo ho Jehova ka thapelo (Matt. 7:7, 8; Ba-Fil. 4:6); (2) buisana le bo-pula-maliboho le baholo (Liprov. 15:22); (3) etsa kemiso e sa tiisoang ka ho e ngola, u lekanyetse hore e ama boikarabelo bo bong ba Bokreste joang (Luka 14:28); (4) beha letsatsi leo u tla qalisa ka lona, eseng hore u emele maemo a khotsofatsang kahohle-hohle. (Moek. 11:4) September ke nako e ntle bakeng sa ho qalisa; u ka ’na ua tšoanelehela ho ba Sekolong sa Tšebeletso sa Bopula-maliboho selemong se latelang. Buisana le a le mong kapa ba babeli ho bo-pula-maliboho kamoo ba ileng ba hlōla litšitiso tsa ho bula maliboho. Kholiseha.
Pina 128 le thapelo e koalang.
BEKE E QALANG KA JULY 23
15 mets: Litsebiso tsa phutheho. Litaba tsa Puso ea Molimo. Totobatsa lintlha tsa sehlooho ho “Lulang le Falimehile ˈme le Ipoloke le Hlaphohetsoe Likelellong.”
15 mets: “Ho Nehelana ka Taba tse Molemo—Le le Lelapa.” Boitsebiso bo buisanoe ka lipotso le likarabo. Botsa potso e le ’ngoe kapa tse peli feela serapeng ka seng e le hore lirapa li ka baloa.
15 mets: Litlhoko tsa phutheho. Kapa puo e theiloeng ho sehlooho “Na u Tla Rua Molemo Moseng o sa Tšoanelang?” maqepheng 21-3 a Molula-Qhooa oa February 15, 1990.
Pina 8 le thapelo e koalang.
BEKE E QALANG KA JULY 30
10 mets: Litsebiso tsa phutheho. Lipontšo tse peli tsa linehelano tse hlahisitsoeng, pontšo ka ’ngoe e buelle sehlooho se itseng makasineng o mong, ba-keng sa mosebetsi oa limakasine ka Moqebelo.
15 mets: “Ho Bontša ho Tšepa Jehova ka ho Bula Maliboho.” Moholo le mohlanka ea sebeletsang ba buisana ka sehlooho se ho Tšebeletso ea Rona ea ’Muso ea February 1990. Akarelletsa le litlhahiso tse sebetsang tse tla thusa phutheho ea lōna.
15 mets: “Poloko ea Nako le Uena.” Puo e theiloeng sehloohong sa Molula-Qhooa oa June 15, 1990, maqephe 26-9. Akarelletsa le khothatso ho baholo bohle le bahlanka ba sebeletsang hore ba be libokeng metsotso e 15 ho ea ho e 20 pele ho nako e le hore ba ka sebeletsa phutheho.
5 mets: Liphihlelo tsa ho qalisa lithuto ka libukana tse lekanang le makasine. (Haeba li le sieo sebakeng sa lōna, ho ka ’na ha e-ba le liphihlelo tsa ho tsamaisa libukana tse lekanang le makasine.)
Pina 169 le thapelo e koalang.