Liboka Tsa Tšebeletso
BEKE E QALANG KA DECEMBER 31
12 mets: Litsebiso tsa phutheho le Litsebiso tse khethiloeng ho Tšebeletso ea Rona ea ’Muso. Hatisa letsatsi le khethehileng la limakasine ka April 6. Lebisa tlhokomelo mphong ea buka ka January. Hlahloba likenyelletso tse ka ’nang tsa sebelisoa hammoho le Sehlooho sa Puisano se sebelisoang hona joale.
18 mets: “Le se ke la Khathala.” Puisano ea lintlha tse khōlō sehloohong sena. Kōpa litlhahiso ho bamameli ha le buisana ka serapa 3. Ere mohoeletsi ea tšoanelehang a etse pontšo ea ho nehelana ka mpho ea buka, a sebelisa tlhahiso e serapeng 5. Khothalletsa phutheho ho ipoloka e tšoarehile tšebeletsong ea tšimo ’me e se ke ea khathala kapa ea nyahamisoa ke ho iphapanya ha batho kapa khanyetso eo e thulanang le eona.
15 mets: Ho Ananela Mosebetsi oa Molebeli oa Potoloho. Buisana le bamameli ka boitsebiso bo tlas’a “Molebeli oa Potoloho” maqepheng 47-50 bukeng ea Ho Hlophisetsoa ho Phetha Tšebeletso ea Rōna. Molula-setulo o lokela ho hatisa kamoo re ka ruang molemo ka teng ka ho tšehetsa ketelo ka botlalo. Re lokela ho ananela mohlala oa boinehelo ba bomolimo o behoang ke molebeli oa potoloho le mosali oa hae ka ho phethahatsa kabelo ea bona.
Pina 147 le thapelo e koalang.
BEKE E QALANG KA JANUARY 7
8 mets: Litsebiso tsa phutheho. Ka bokhutšoanyane bolela lintlha tse thahasellisang tse tsoang limakasineng, tse ka sebelisoang ha ho pakoa bekeng ena.
20 mets: “Na Bana ba Hao ba Itokiselitse ho Khutlela Sekolong?” Puisano le bamameli ka lipotso le likarabo. Bala lirapa le mangolo. Haeba ho e-na le liphihlelo tsa sebaka sa lōna tse bontšang lintlha tse boleloang, ha nako e lumela li ka hlahisoa.
17 mets: Re ka Ipoloka re le Matla Joang? Letoto la lipuisano tse totobatsang tlhokahalo ea hore re ipoloke re le matla ’me re se ke ra khathala. (1) Buisana le ba babeli kapa ba bararo ba ’nileng ba sebeletsa ka lilemo tse ngata ’me e le ba behang mohlala o motle. Ba ’nile ba hlaheloa ke likhatello life tsa hore ba khaotse ho bolela le tseo ba li hlōtseng? Ba thusitsoe ke eng hore ba ipoloke ba ntse ba tsoela pele ’me ba sa khathale? (Mohlomong ba ka bolela thapelo, ho ba teng libokeng ka mehla, thuto ea botho, khothatso e tsoang ho ba bang, joalo-joalo.) Ba ile ba etsa joang ho itebela khahlanong le ho se tsoele pele kapa ho khaotsa? (Mohlomong ba ka bolela bohlokoa ba ho kopanela botsoalle libokeng ka mehla, ho ntšetsa pele thuto ea botho, kananelo bakeng sa kamano eo ba nang le eona le Jehova, joalo-joalo.) Ba ’nile ba boloka ho leka-lekana moeeng joang? (Mohlomong ba ka bolela thuso ea baholo kapa ea ba bang, ho etelletsa lithahasello tsa moea pele bophelong, thapelo e eang ho Jehova, joalo-joalo.) (2) Buisana le bana ba itseng bao e leng bahoeletsi ba ka mehla le ba behang mohlala o motle. Ba thusitsoe ke eng hore ba tsoele tšebeletsong ka mehla? Batsoali ba ba thusitse joang? Na bahoeletsi ba bang baa ba khothatsa le ho ba thusa tšebeletsong ea tšimo? Lipakane tsa bona ke life tšebeletsong ea Jehova? Qetella ka ho hlahloba lintlha tse boletsoeng lipuisanong tsena.
Pina 10 le thapelo e koalang.
BEKE E QALANG KA JANUARY 14
10 mets: Litsebiso tsa phutheho. Tlaleho ea lichelete le liteboho tsa menehelo. Babatsa phutheho ka ho tšehetsa mosebetsi oa lefatše ka bophara le Letlōle la Mokhatlo la Liholo tsa ’Muso. Lebisa tlhokomelo boitsebisong bo ho “Itokisetse Phutuho ea Peeletso ea Molula-Qhooa,” ’me u khothalletse bahoeletsi ho kōpa limakasine tse eketsehileng tse hlokahalang. Bahoeletsi ba ka lakatsa ho tla le Watch Tower Publications Index 1986-1989 ea bona Sebokeng sa Tšebeletso bekeng e tlang.
20 mets: “Medical Document” le “Identity Card.” Mongoli o aba likarete tsena ’me o tšohla lirapa 1, 2, 4-7, 9, le 10 lengolong la Mokhatlo la January 1, 1990, tabeng ena. Behelana mabaka le bamameli mabapi le hore na ke hobane’ng ha litaelo li lokela ho lateloa ka hloko e le hore likarete tsena li sebetse ka katleho e khōlō e le tšireletso ho rōna. Ka mor’a seboka baholo ba ka bona hore likarete tsena lia tlatsoa joalokaha ba entse selemong se fetileng. Le se ke la lieha ho tlatsa likarete le ho li saena ka nepo.
15 mets: “Nka Hlōla Khatello ea Lithaka Joang?” Moholo ea tšoanelehang ka bohlale o buisana le bacha ba babeli ba behang mohlala o motle ka lintlha tse khaolong 9 bukeng ea Bacha Baa Botsa. Hlalosa ka bokhutšoanyane hore takatso ea botumo le ho amoheloa ke lithaka e matla. Esita le batho ba baholo ba ka angoa ke khatello e joalo. Na ho ’nile ha e-ba bonolo hore bacha ba tobane le eona? Ba ’nile ba atleha joang hore ba e hanele? Sebelisa “Lipotso tsa Puisano” tse leqepheng 80 ho fata bacha maikutlo le ho bontša kamoo ho leng bonolo ka teng ho ba le matla a ho loantša khatello ea lithaka. Bontša kananelo bakeng sa mohlala o motle oo bacha ka phuthehong ba o behang. Jehova o khahlisoa ke boitšoaro ba bona bo botle ebile boa mo tlotlisa.—Liprov. 27:11.
Pina 108 le thapelo e koalang.
BEKE E QALANG KA JANUARY 21
10 mets: Litsebiso tsa phutheho. Litaba tsa Puso ea Molimo. Akarelletsa le litokisetso tse entsoeng bakeng sa tšebeletso ea tšimo bofelong ba beke. Fana ka litlhahiso mabapi le hore na ke lihlooho life limakasineng tsa morao-rao tse ka ipiletsang ka ho khetheha ho batho ba leng tšimong ea sebaka sa lōna. E mong le e mong o lokela ho tla le kopi ea pampitšana ea Bophelo Lefatšeng le Lecha la Khotso Sebokeng sa Tšebeletso bekeng e tlang.
15 mets: “Ho Phethahatsa Tšebeletso ea Rōna ea ’Muso ka Thuso ea Index.” Puo ka moholo ’me bamameli ba kopanele. Etsa pontšo ea kamoo moholo le mohlanka ea sebeletsang ba ka sebelisang Index ha ba lokisetsa leeto la bolisa. Hlalosa kamoo ho ka rutoang bahoeletsi ho sebelisa Index ho entša ’malo oa Bibele oa beke le beke. Haeba Index ea Senyesemane e le sieo, bontša kamoo ho ka sebelisoang Index ea selemo le selemo ho Molula-Qhooa le Tsoha!
10 mets: “Khatholla Beng ka Uena ka Metsi a ’Nete.” Puo e theiloeng sehloohong sa Molula-Qhooa oa February 15, 1990, maqephe 25-7.
10 mets: Mesebetsi ea Mohlanka oa Libuka. Molebeli oa tšebeletso o buisana le mohlanka oa libuka, ba hlahloba boikarabelo bo amehang. E ka ba hantle ho totobatsa litlhoko tsa phutheho tse tla thusa ho ntlafatsa ho abjoa ha libuka pele le ka mor’a liboka.
Pina 203 le thapelo e koalang.
BEKE E QALANG KA JANUARY 28
8 mets: Litsebiso tsa phutheho.
22 mets: “Ho Nehelana ka Taba tse Molemo—Ka Lipampitšana le ka Limemo.” Puisano ka lipotso le likarabo. Bala mangolo. Ka mor’a ho buisana ka serapa 7, ere pula-maliboho kapa mohoeletsi e mong ea tšoanelehang a etse pontšo ea ho qalisa thuto leetong la ho boela a sebelisa pampitšana ea Bophelo Lefatšeng le Lecha la Khotso. Khothalletsa bahoeletsi ho sebelisa katamelo ena maetong a ho boela, haholo-holo ha ho ’nile ha e-ba thata ho fumana beng ba matlo lapeng ka mor’a leeto la pele. Mema bahoeletsi ba itokiselitseng hore ba hlalose katleho eo ba bileng le eona ha ba sebelisa katamelo ena. Kholiseha hore phutheho e na le lenane le lekaneng la lipampitšana le limemo.
15 mets: Na U ka ba Pula-maliboho e Thusang ka April? Puisano e mofuthu ka moena ea nang le phihlelo e le pula-maliboho ea ka mehla kapa e thusang. Buisana le ba ’maloa bao e kileng ea e-ba bo-pula-maliboho ba thusang pele. Ba ile ba etsa litokiso life hore ba finyelle pakane ea bona? Totobatsa litokisetso tse sebetsang tseo ba li entseng. Kaha nako ea Sehopotso ea atamela, khothalletsa bahoeletsi ba nang le thahasello hore ba buisane ka litokisetso tsa bona le moholo. Ka ho ba le boikutlo bo nepahetseng hona joale, ba bangata ba tla thabela tšebeletso ena. Ho ba bangata sena e ka ’na ea ba mohato o lebisang tšebeletsong ea bopula-maliboho ba ka mehla. (kmSU 2/90 leq. 3) Liforomo tsa kōpo li ka fumanoa ho molebeli ea okamelang kapa ho mongoli.
Pina 151 le thapelo e koalang.