Kemiso ea Liboka Tsa Tšebeletso
TLHOKOMELISO: Tšebeletso ea Rōna ea ’Muso e tla ba le kemiso ea Seboka sa Tšebeletso bakeng sa beke e ’ngoe le e ’ngoe ka November le December. Liphutheho li ka ’na tsa etsa liphetoho moo ho hlokahalang e le hore li be teng Kopanong ea Setereke ea “Baphethi ba Lentsoe la Molimo” le hore li be le tlhahlobo ea metsotso e 30 ea lintlha tse khōlō tsa lenaneo Sebokeng sa Tšebeletso bekeng e latelang ea kopano. Tlhahlobo ea letsatsi le letsatsi ea lenaneo la kopano e lokela ho abeloa barab’abo rōna ba bararo ba tšoanelehang esale pele hore ba tsepamise mohopolo lintlheng tse ka sehloohong. Tlhahlobo ena e lokiselitsoeng hantle e lokela ho thusa phutheho ho hopola lintlha tsa sehlooho bakeng sa ho sebelisoa ke motho ka mong le bakeng sa ho sebelisoa tšimong. Litlhaloso leha e le life tse tsoang ho bamameli, ho akarelletsa le liphihlelo, li lokela ho ba khutšoanyane ’me li tobe taba.
Beke e Qalang ka la 13 November
10 mets: Litsebiso tsa phutheho. Litsebiso tse khethiloeng ho Tšebeletso ea Rōna ea ’Muso. Litaba tsa Puso ea Molimo.
13 mets: Lebokose la Lipotso. Puo ka moholo.
22 mets: “Ho Hlaolela Thahasello e Susumelitsoeng ke Kingdom News No. 36.” Puisano ea lipotso le likarabo ea serapa sa 1-5. Bolela litokisetso tsa phutheho bakeng sa ho koahela tšimo leha e le efe e e-song ho sebetsoe. Hlahloba linehelano tse serapeng sa 7 le sa 8 bakeng sa ho etsa maeto a ho boela, ’me u etse pontšo ka nehelano e ’ngoe le e ’ngoe. Hatisa bohlokoa ba ho latella thahasello eohle le ho ikemisetsa ho qalisa lithuto tsa Bibele. Qetella ka ho bua ka serapa sa 9 le mangolo a boletsoeng.
Pina 63 le thapelo e koalang.
Beke e Qalang ka la 20 November
10 mets: Litsebiso tsa phutheho. Tlaleho ea lichelete.
15 mets: Liphihlelo ka ho ajoa ha Kingdom News No. 36. Bolela katleho e bileng teng ha ho koaheloa tšimo. Na e mong le e mong ka phuthehong o ile a kopanela tšebeletsong ka lekhetlo la pele? Pheta litlhaloso tse monate tse builoeng ke beng ba matlo. Na bahoeletsi ba bang ba ile ba khona ho qala lithuto tsa Bibele? Haeba ho joalo, e-re ba hlalose kapa ba phete hore na ba entse seo joang. Hopotsa bohle hore ba hlaolele thahasello e fumanoeng.
20 mets: “Tsoelang Pele le Bolela!” Puo le puisano. Ba bang ba ’nile ba kopanela le mokhatlo o hlophisitsoeng oa Jehova ’me ba ’nile ba phehella mosebetsing oa ho bolela bophelo bohle ba bona. Ka boikutlo bo nepahetseng, ba fumane thabo ka ho etsa joalo. (Bona buka ea Tsebo, leqepheng la 179, serapa sa 20 le Molula-Qhooa oa May 1, 1992, leqepheng la 21-2, serapeng sa 14-15.) Kōpa mohoeletsi ea bileng mafolofolo ka lilemo tse ngata hore a phete mabaka a entseng hore a phehelle mosebetsing oa ho bolela.
Pina 141 le thapelo e koalang.
Beke e Qalang ka la 27 November
10 mets: Litsebiso tsa phutheho. Hopotsa bahoeletsi hore ba tlise litlaleho tsa tšebeletso ea tšimo tsa November. Lingoliloeng tseo ho tla fanoa ka tsona ka December ke Tsebo e Isang Bophelong bo sa Feleng le Phetolelo ea Lefatše le Lecha ea Mangolo a Segerike a Bakreste. Hlalosa kamoo Lipaki tsa Jehova li phethileng karolo ea bohlokoa kateng ho hlahiseng Bibele ka lipuo tse ngata.—Bona Molula-Qhooa oa October 15, 1997, leqepheng la 11-12.
20 mets: Sebelisa Buka ea Ho Bea Mabaka Hamolemo. Puisano ea lipotso le likarabo leqepheng la 7-8. Bontša kamoo buka ena e reretsoeng ho re thusa kateng ho lokisetsa ho kopanela haholoanyane tšebeletsong. Hlalosa kamoo buka ena e ka sebelisoang kateng ha ho pakoa ka thelefono. Bontša kamoo ho ka fumanoang boitsebiso bo molemo kateng ho araba potso e itseng. Khothalletsa bohle hore ba tloaelane le buka ena, ba e boloke mekotlaneng ea bona ea libuka, ’me ba e sebelise kamehla.
15 mets: Nka Laola Mekhoa ea ka ea ho Shebella TV Joang? Moholo o bua le mor’abo rōna e mocha ea qetang lihora tse ngata ka letsatsi a shebeletse TV. Qalong, mor’abo rōna o tsitlallela hore ha ho na kotsi ho eona. O re e mpa e le mofuta o mong feela oa ho ikhatholla le hore ha e mo ame hampe. Moholo o hlahloba lintlha tsa sehlooho khaolong ea 36 ea buka ea Bacha Baa Botsa. O hlalosa hore ho shebella TV ka ho feteletseng ho senya nako ea bohlokoa eo mohlomong e ka beng e sebeliselitsoe thuto ea botho, ho ea tšebeletsong, kapa ho thusa ka litlhoko tsa phutheho. Mor’abo rōna e monyenyane o leboha keletso eo ’me o re molemong oa bomoea ba hae, o tla fetola mekhoa ea hae ea ho shebella TV.
Pina 175 le thapelo e koalang.
Beke e Qalang ka la 4 December
10 mets: Litsebiso tsa phutheho. Babatsa bohle ba ileng ba kopanela phutuhong ea tšimo e sa abuoang. Bua ka tlaleho ea mosebetsi o entsoeng ’me u phete liphihlelo leha e le life tse thahasellisang.
15 mets: Litlhoko tsa phutheho.
20 mets: “Lentsoe le Builoeng ka Nako e Nepahetseng.” Puisano le bamameli le lipontšo. Ba bangata ba ikutloa ba sa tšoanelehe ha ba leka ho qala moqoqo, ka phoso ba nahana hore ba hloka tsebo e itseng e khethehileng hore ba fumane litholoana. Hlalosa kamoo kaofela ha rōna, ho akarelletsa bahoeletsi ba bacha le ba banyenyane, re ka qalang puisano ka ho etsa boiteko bo itekanetseng feela. Hlahloba linehelano tse buelletsoeng, u totobatsa bonolo ba tsona, ebe u re bahoeletsi ba babeli kapa ba bararo ba etse pontšo ka tsona. Sheba Tšebeletso ea Rōna ea ’Muso ea March 1998, leqepheng la 8, bakeng sa linehelano tse eketsehileng tse ka sebelisoang. Khothalletsa bohle hore ba be le boikutlo bo nepahetseng e le hore ba ka fumana thabo e eketsehileng tšebeletsong ea bona.
Pina 218 le thapelo e koalang.