Tsela ea ho Buella Limakasine

Tsoha! Sept. 8

“Joalokaha e ka ’na eaba ua tseba, ho bonahala bacha ba tepella maikutlo ho feta leha e le neng pele. Ke hobane’ng ha ho le joalo? Ba ka thusoa joang? Ke nahana hore u tla thahasella ho bala makasine ena, haholo-holo haeba u amehile joaloka motsoali.”

Molula-Qhooa Sept. 15

“Hoo e ka bang malumeling ’ohle ho na le batho ba ratang ’nete. Empa, malumeli ka kakaretso a na le tšekamelo ea ho arola batho. Ho ka etsoa eng ho kopanya batho ba lipelo li tšepahalang? [Ka mor’a karabo, bala Sofonia 3:9.] Makasine ena e bontša kamoo tsebo ea Molimo oa ’nete e kopanyang batho hohle kateng.”

Molula-Qhooa Oct. 1

“U ka ’na ua lumela hore tumelo ho Molimo e se e le taba eo batho ba bangata ba sa e rateng. Empa ke hobane’ng ha ho le joalo? [Ka mor’a karabo, bala Baheberu 11:1.] Makasine ena e bua ka seo tumelo ea ’nete e leng sona le hore na ho na le taba hore re na le tumelo kapa che.”

Tsoha! Oct. 8

“Ke lumela hore u amehile haholo ka bokhopo bo ntseng bo eketseha sebakeng sena sa rōna. Na u kile ua ipotsa hore na ke hobane’ng ha Molimo a mamella bokhopo bo bokaale? Ke hobane’ng ha a sa ka a potlakela ho nka bohato ka bokhopo? [Mo lumelle ho araba.] Sehlooho se ka har’a makasine ena se reng “Molimo o Mamella ho Isa Kae?” se fana ka tlhaloso ea Bibele ’me se bontša tharollo ea sebele bothateng bona.”