Tsela ea ho Buella Limakasine

Molula-Qhooa Dec. 15

“Nakong ena ea selemo, batho ba bangata ba nahana ka Jesu Kreste, ebang ba lumela ho eena kapa che. Ba bang ba re e ne e se motho oa sebele. Uena u re’ng? [Ha a se a arabile, bala Matheu 16:15, 16.] Ke lumela hore u tla thabela ho bala sehlooho sena se reng, ‘Jesu oa Sebele’ hore u bone kamoo a u amang kateng kajeno le kamoo a tla u ama kateng nakong e tlang.”

Molula-Qhooa Jan. 1

“Na u kile ua ipotsa hore na ke hobane’ng ha batho ba bang ba bonahala ba phela hamonate ha ba bang ba hula ka thata? Bibele e na le seo e se bolelang ka sena. [Bala Jobo 34:19.] Makasine ena e hlalosa kamoo Molimo a rerang ho felisa ho khethollana ha batho ka maemo.”

Tsoha! Jan. 8

“Na ua lumela hore ho etsa hore bophelo bo sireletsehe, re tla hloka mohloli oa lijo o sireletsehileng le o tšepahalang? [Mo lumelle ho araba.] Hlokomela seo Molimo a se tšepisitseng batho ba hae mehleng ea Bibele. [Bala Levitike 26:4, 5.] Tsoha! ena e bua ka se re tšoenyang kajeno mabapi le lijo tsa rōna. E boetse e bua ka nako ea ha Molimo a tla etsa hore re sireletsehe lefatšeng lohle.”

Nehelano e ’ngoe: “Kaofela re tseba ho hong ka tlokotsi ena e sisintseng lefatše. Ho tloha ka nako eo batho ba ’nile ba batla matšeliso a mangata le thuso e khōlō. Sehlooho sena, se hlalosa seo Lipaki tsa Jehova li ’nileng tsa se etsa ho thusa baphonyohi, ba sebetsang boemong ba tšohanyetso le ba shoetsoeng.”