Kemiso ea Liboka Tsa Tšebeletso

Beke e Qalang ka la 9 June

Pina ea 81

10 mets: Litsebiso tsa phutheho. Litsebiso tse khethiloeng Tšebeletsong ea Rōna ea ’Muso. Lokisetsa hore ho be le lipontšo tse peli tsa kamoo ho ka tsamaisoang Molula-Qhooa oa June 15 le Tsoha! ea July 8, ho sebelisoa litlhahiso tse leqepheng la 8. Pontšong ka ’ngoe, limakasine tsena li lokela ho tsamaisoa li le peli le hoja ho buelloa e le ’ngoe . Ho baloe temana nehelanong ka ’ngoe.

15 mets: “Tšebeletso ea Bokreste—Ke Mosebetsi oa Rōna o ka Sehloohong.”a Khothalletsa bacha ho nahana ka mahlohonolo ao ba ka a thabelang ka ho kenela tšebeletso ea nako e tletseng. Akarelletsa boitsebiso bo sehloohoaneng se reng “Ha Setso se sa Lumellane le Letsoalo,” Molula-Qhooeng oa November 1, 2000, leqepheng la 19-20.

20 mets: “Nako ea Penshene—Na ke Monyako o Isang Tšebetsong e Eketsehileng?”b Haeba ho ka khoneha, buisana ha khutšoanyane le mohoeletsi ea sebelisitseng nako ea penshene ho etsa ho eketsehileng tšebeletsong ea Jehova. Mo botse hore o entse liphetoho life le hore na o thabetse mahlohonolo afe ka lebaka la seo.

Pina ea 190 le thapelo e koalang.

Beke e Qalang ka la 16 June

Pina ea 55

8 mets: Litsebiso tsa phutheho. Tlaleho ea lichelete.

12 mets: Litlhoko tsa phutheho.

25 mets: “Khothalla ho ‘Paka ka ho Phethahetseng.’”c Sebelisa lipotso tse fanoeng. Ka mor’a ho tšohla serapa sa 5 le 6, etsa pontšo e khutšoanyane ea ho pakela mosebeletsi oa lebenkele ka mokhoa o sa reroang ’me ho tsamaisoe pampitšana ea Na U ka Rata ho Tseba ho Eketsehileng ka Bibele? Bala serapa sa 7 le 8 pele li tšohloa. Qetellong, bala ’me le tšohle lebokose le nang le sehlooho se reng “U se ke ua ba lebala!”

Pina ea 131 le thapelo e koalang.

Beke e Qalang ka la 23 June

Pina ea 95

10 mets: Litsebiso tsa phutheho. Lokisetsa hore ho be le lipontšo tse peli tsa kamoo ho ka tsamaisoang Molula-Qhooa oa July 1 le Tsoha! ea July 8, ho sebelisoa litlhahiso tse leqepheng la 8. Pontšong ka ’ngoe, limakasine tsena li lokela ho tsamaisoa li le peli le hoja ho buelloa e le ’ngoe. Pontšo e ’ngoe e lokela ho ba ea mohoeletsi ea etsang bopaki ba seterateng.

20 mets: Ke Eng se ka Etsoang ka ho Nyahama? Puo le puisano le bamameli e thehiloeng Molula-Qhooeng oa November 15, 1999, leqepheng la 28-9, ho akarelletsa sehloohoana se reng “Ho Lula U E-na le Boikutlo bo Nepahetseng.” Hlahloba litlhahiso tse sebetsang hammoho le keletso ea Mangolo. Lokisetsa esale pele hore mohoeletsi a le mong kapa ba babeli ba hlalose hore na ke eng se ba thusang ho lula ba thabile tšebeletsong.

15 mets: “Ho Etsa Mosebetsi oa Boboleli Lefatšeng le Feto-fetohang.”d Ha le tšohla serapa sa 2 le sa 3, kōpa bamameli ho hlalosa tse ling tsa liketsahalo tsa morao-rao tse ka sebelisoang ho qalisa moqoqo tšimong ea lōna. Ha le tšohla serapa sa 4, e-ba le pontšo e khutšoanyane, ho sebelisoa e ’ngoe ea lintlha tse fanoeng ka holimo.

Pina ea 15 le thapelo e koalang.

Beke e Qalang ka la 30 June

Pina ea 3

10 mets: Litsebiso tsa phutheho. Hopotsa bahoeletsi ho fana ka litlaleho tsa tšebeletso ea tšimo tsa June. Hlahloba lingoliloeng tse tla tsamaisoa ka July le August. Buella libukana tse peli tseo le nang le tsona setokong. E-ba le lipontšo tse peli tse lokiselitsoeng hantle tsa kamoo li ka tsamaisoang kateng tšebeletsong. Bakeng sa litlhahiso tsa linehelano tse ka sebelisoang, bona Tšebeletso ea Rōna ea ’Muso ea July 1998, leqepheng la 8. Linehelano tse eketsehileng li ka fumanoa ho Watch Tower Publications Index tlas’a sehloohoana se reng “Presentations” le se reng “List by Publication.”

15 mets: “Ba Holofetse—Empa ba Beha Litholoana.”e Akarelletsa litlhahiso tse bontšang kamoo ba bang ba ka thusang kateng tse fanoeng Tsoheng! ea September 8, 1990, leqepheng la 29, tlas’a sehloohoana se reng “Ke Eng se ka Etsoang?”

20 mets: Sebelisa Lentsoe la Molimo ka Katleho ha U Bolela ka ’Muso. Puisano le bamameli ka molebeli oa tšebeletso. Re leka ka matla ho bolella motho e mong le e mong eo re kopanang le eena tšebeletsong ntlha e itseng ea Mangolo e hahang e mabapi le ’Muso. Leha ho le joalo, re lokela ho etsa se fetang ho bala litemana tsa Bibele feela. Re lokela ho li hlalosa, ho etsa papiso, le ho bontša kamoo li sebelisa kateng. Bontša kamoo sena se ka etsoang kateng, u etse mohlala ka a mang a mangolo a qotsitsoeng bukeng ea Ho Bea Mabaka, leqepheng la 378-9, tlas’a sehloohoana se ngotsoeng ka mongolo o tšekaletseng se reng “Babusi ba batho ha ba fane ka seo batho ba se hlokang ka potlako.” Ka mor’a puisano, e-re mohoeletsi ea lokiselitseng hantle a etse pontšo ea kamoo ho ka sebelisoang lengolo le le leng ka katleho leetong la ho boela, a le hlalose ka bokhutšoanyane, a etse papiso e bonolo e amanang le kamoo le ka sebelisoang kateng, ’me a bontše mong’a ntlo kamoo puso ea ’Muso e tlang ho mo ruisa molemo. Mohoeletsi o lokela ho qala pontšo ka ho bala lengolo. Ka mor’a pontšo, bolela kamoo lengolo leo le ileng la hlalosoa, la etsetsoa papiso le ho sebelisoa kateng. Khothalletsa bohle ho ntlafatsa bokhoni ba bona ba ho sebelisa Lentsoe la Molimo ka katleho.

Pina ea 171 le thapelo e koalang.

Beke e Qalang ka la 7 July

Pina ea 165

5 mets: Litsebiso tsa phutheho. Litaba tsa puso ea Molimo.

15 mets: Liphihlelo tsa phutheho. Pheta kapa u lokisetse hore ho be le pontšo ea se ileng sa etsahala ha bahoeletsi ba ne ba (1) pakela batho ba merabe e sa tšoaneng kapa ba buang lipuo tse ling kapa (2) ha ba ne ba paka tlas’a maemo a fapaneng le a ntlo le ntlo kapa a tšebeletso ea limakasine. Khothalletsa bohle ho sebelisa bukana ea Good News for All Nations le foromo ea Ka Kōpo Latela (S-43-SU) ha ba kopana le batho ba sa utloeng litsebeng kapa ba buang puo e ’ngoe.—Bona lengolo le eang ho liphutheho tsohle la la 1 June, 2000.

25 mets: “Ho Tsebahatsa Lebitso la Molimo.”f Sebelisa lipotso tse fanoeng. Ha le tšohla serapa sa 4, akarelletsa litlhaloso tse lebokoseng le nang le sehlooho se reng “Ho Tsebahatsa Lebitso la Molimo” le bukeng ea Baboleli leqepheng la 124. E-re mohoeletsi ea tšoanelehang a etse pontšo ea leeto la ho boela. A sebelisa mangolo a mabeli kapa a mararo a bukeng ea Ho Bea Mabaka, leqepheng la 187, o lokela ho bontša hore na ke hobane’ng ha e le habohlokoa ho tseba lebitso la Molimo le ho le sebelisa.

Pina ea 197 le thapelo e koalang.

[Mongolo o botlaaseng ba leqephe]