Lengolo le Tsoang Lekaleng

Bahoeletsi ba ’Muso ba Ratehang:

Katoloso e neng e etsoa lekaleng la rōna ea setsi sa khatiso se boholo ba lisekoere mithara tse 8 000 e se e phethiloe ’me mohaho o se o sebelisoa. Mochine o mocha oa khatiso oa MAN Lithoman, o khonang ho hatisa limakasine tse ka bang 90 000 ka hora, o se o kentsoe ’me oa sebetsa. Mochine ona oa khatiso, hammoho le oa Hantscho, e tla hatisa le likaroloana tsa libuka, joalokaha Sehlopha se Busang se lumetse hore Lekala la Afrika Boroa le hatise libuka tsa sekoahelo se bonolo. Hona joale re lokisetsa ho kenya mochine o kopanyang libuka oo re o rometsoeng ke Lekala la Jeremane.

Re boetse re tšoarehile ka ho fallisetsa Lefapha la Shipping mohahong o mocha. Re entse lishelefo tse ncha tseo ho ka pakoang liqubu tse 2 352 tsa libuka le limakasine. Haufinyane re tla amohela lebanta le tsamaisang thepa la othomathike le tla nolofatsa mosebetsi oa ho nka le ho paka liodara tsa liphutheho tse ka bang 8 000 tseo re li sebeletsang hona joale Afrika e ka boroa. Le ka lokoloha ho etela Bethele ho tla bona setsi sena se secha sa khatiso.

Nako ea Sehopotso e bile ea mosebetsi o etsoang ka cheseho tšimong ea lekala lena. Ka April ho bile le bo-pula-maliboho ba thusang ba 7 297, ’me ba bileng teng moketeng oa Lijo Tsa Shoalane Tsa Morena e bile tlhōrō e ncha ea ba 193 661 Afrika Boroa.

Rōna le lōna re lebeletse ho ‘ba le ho hongata hoo re ka ho etsang mosebetsing oa Morena’ ha re qalisa selemo sa tšebeletso sa 2005.—1 Bakor. 15:58.

Barab’abo lōna,

Ofisi ea Lekala ea Afrika Boroa