Kopano ea Setereke e re Susumelletsa ho Tsamaea le Molimo
Kopano ea Setereke ea “Tsamaeang le Molimo” e ile ea hatisa hakaakang taelo e hlakileng ea Jehova e reng: “Tsela ke eona ena. Tsamaeang ho eona”! (Esa. 30:21) Ho sebelisa thupelo eo re e fumaneng ho tla re thusa ho ‘lula re lebetse ka tieo kamoo re tsamaeang kateng.’ (Baef. 5:15) Ho thuisa ka seo re ithutileng sona ho tla re thusa ha re “tsoela pele ho tsamaea ’neteng.”—3 Joh. 3.
Sebelisa lipotso tse latelang hammoho le lintlha tseo u li ngotseng kopanong ha u lokisetsa ho kopanela tlhahlobong ea lenaneo la kopano. Tlhahlobo ena e tla tšoaroa Sebokeng sa Tšebeletso sa beke ea la 21 February.
1. Enoke o ile a khona joang ho tsamaea le Molimo ho sa tsotellehe hore o ne a phela linakong tse moferefere? (Baheb. 11:1, 5, 6; Juda 14, 15; “Tsamaea le Molimo Linakong Tse Moferefere”)
2. Molao-motheo o ho Luka 16:10 o ka sebelisoa likarolong life tsa bophelo? (“Na U ‘Tšepahala ho se Senyenyane’?”)
3. (a) Bolela lintho tse ’nè tseo re ithutang tsona ho Hosea khaolo ea 6 ho fihlela ho ea 9 tse tla re thusa ho tsamaea le Molimo. (Hos. 6:6, 7; 7:14; 8:7) (b) Ke lintlha life tse ling tse tsoang ho Hosea khaolo ea 10 ho fihlela ho ea 14 tse re thusang ho tsamaea le Molimo? (“Boprofeta ba Hosea bo re Thusa ho Tsamaea le Molimo”—Neheletsano)
4. Banna le basali ba Bakreste ba ka etsa lintho life ho boloka lenyalo la bona le tiile? (Liprov. 12:4; Baef. 5:29; “Le se Arole ‘Seo Molimo a se Kopantseng Hammoho Jokong’”)
5. Re ka bontša joang hore re hlompha lipokano tsa rōna tse halalelang? (Moek. 5:1; Esa. 66:23; “Ho Bontša Tlhompho Bakeng sa Lipokano Tsa Rōna Tse Halalelang”)
6. (a) Re lokela ho hlahloba likarolo life tse tharo tsa bohlokoa tsa mosebetsi oa rōna oa boboleli e le ho tiisa hore re ba le karolo e nang le morero ho oona? (Esa. 52:7; Zak. 8:23; Mar. 6:34) (b) Ke litšobotsi life tsa bukana ea Good News for People of All Nations tseo u bonang li le molemo ka ho khethehileng? (“Litaba Tse Molemo Bakeng sa Batho ba Lichaba Tsohle”; “Ho Thusa ba Buang Lipuo Tse Ling”)
7. Re ka thusa ba bacha joang hore ba be le sebete sa ho bolela molaetsa oa ’Muso? (Baahl. 7:17; “Ho Thusa ba Bangata ho Ikopanya le Rōna Tšebeletsong”)
8. Re bontša joang hore re kholisehile hore “letsatsi le leholo la Jehova le haufi”? (Sof. 1:14; “Ho ‘Tsamaea ka Tumelo, Eseng ka Pono’”)
9. (a) Taba ea ho khoptjoa e tebile hakae? (Mar. 9:42-48) (b) Re ka qoba ho khoptjoa joang? (Pes. 119:165) (c) Re ka qoba ho khopa ba bang joang? (1 Bakor. 10:24; “Qoba ‘Sesosa Leha e le Sefe sa ho Khoptjoa’”)
10. Re ka ba le pono e leka-lekaneng joang ha re batla molekane oa lenyalo, ha re batla bophelo bo botle le ha re sebetsana le litaba tsa khoebo? (Pes. 26:4; Mat. 6:25; 1 Tim. 6:9; “Le Lule le Hlaphohetsoe Likelellong ka ho Feletseng”)
11. (a) Ke eng se thahasellisang ka linako tseo ka tsona Jesu a neng a thabela kamohelo e mofuthu ea ba bang ha a ba etetse? (Luka 10:42; 24:32) (b) Re ka khotsofatsa litlhoko tsa rōna tsa boikhathollo joang ka tsela e khathollang rōna le ba bang? (1 Bakor. 10:31-33; “Mesebetsi e Molemo e Khathollang”)
12. Ho ea ka Pesaleme ea 23, re fumana mahlohonolo afe re le linku tsa Jehova, hona boikarabelo ba rōna ke bofe? (1 Bakor. 10:21; “Jehova ke Molisa oa Rōna”)
13. Bakreste ba bontša joang hore ba ela hloko keletso e bululetsoeng ea hore ‘ba ithekele nako e loketseng’? (Baef. 5:16; “Ho Ithekela Nako e Loketseng”)
14. (a) “Hora ea ho ahlola” e boletsoeng ho Tšenolo 14:7 e akarelletsa’ng? (b) Re bontša joang hore kannete re arohile ho Babylona e Moholo? (“‘Le Lule le Lebetse’—Hora ea ho Ahlola e Fihlile”) (c) Bukaneng ea Le Lule le Lebetse! u thabetse lintlha life?
15. Bolela litšobotsi tse tharo tse hlokahalang e le hore re se ke ra “tlohela tsela e otlolohileng.” (2 Pet. 2:15; “Itebeleng Khahlanong le ‘ho Tlohela Tsela e Otlolohileng’”)
16. Bacha ba ka qoba ‘tsela ea ba khopo’ joang? (Liprov. 4:14; “Bacha—Tsamaeang Tseleng ea ho Loka”)
17. (a) Pauluse e ne e le mohlala o babatsehang oa mamello ka litsela life? (Lik. 14:19, 20; 16:25-33) (b) Ke hobane’ng ha ho sa hlokahale hore re tšabe bahanyetsi ba borapeli ba ’nete? (Tšoantšiso le puo e reng “Paka ka ho Phethahetseng Kajeno ho sa Tsotellehe Khanyetso”)
18. Ba tsamaeang le Molimo ba tleloa ke mahlohonolo afe? (“Ho Tsamaea le Molimo ho Tlisa Mahlohonolo Hona Joale le ka ho sa Feleng”)
E se eka re ka ikemisetsa ho ela hloko ‘lentsoe ka mor’a rōna’ e le hore re ka tsamaea le Ntate oa rōna oa leholimo ka ho sa feleng.—Esa. 30:21; Joh. 3:36.