Tlhahlobo ea Sekolo sa Tšebeletso sa Puso ea Molimo

Lipotso tse latelang li tla tšohloa Sekolong sa Tšebeletso sa Puso ea Molimo bekeng e qalang ka la 27 June, 2011. Molebeli oa sekolo o tla tsamaisa tlhahlobo ea metsotso e 20 e thehiloeng lintlheng tse tšohliloeng lipuong tsa beke ea la 2 May ho ea ho ea la 27 June, 2011.

1. Re ka ithuta eng ka hore ebe Jehova o ile a laela Jobo hore a rapelle ba neng ba mo sitetsoe? (Jobo 42:8) [w98 8/15 leq. 30 ser. 5]

2. “Mahlabelo a ho loka” ao Bakreste ba a nyehelang kajeno ke afe? (Pes. 4:5) [w06 5/15 leq. 18 ser. 9]

3. Liphio tsa Davida li ile tsa mo khalemela joang? (Pes. 16:7) [w04 12/1 leq. 14 ser. 9]

4. “Maholimo a bolela khanya ea Molimo” joang? (Pes. 19:1) [w04 10/1 leq. 10 ser. 8]

5. Pesaleme ea 27:14 e bontša hore tšepo le sebete li amana joang? [w06 10/1 maq. 26-27 lir. 3 6]

6. Pesaleme ea 37:21 e lokela ho susumetsa litšebelisano tsa rōna le barab’abo rōna joang? [w88 8/15 leq. 17 ser. 8]

7. Re ka ithuta thuto efe mabapi le kananelo tabeng ea Molevi ea neng a le kholehong? (Pes. 42:1-3) [w06 6/1 leq. 9 ser. 3]

8. Re ka thusoa ke’ng hore re rate ho loka ’me re hloee bokhopo? (Pes. 45:7) [cf maq. 58-59 lir. 8-10]

9. Davida o ne a kōpa hore a tšehetsoe ka “moea o ratang” oa mang? (Pes. 51:12) [w06 6/1 leq. 9, 10 ser. 10]

10. Re ka tšoana le sefate sa mohloaare joang ka tlung ea Molimo? (Pes. 52:8) [w00 5/15 leq. 29 ser. 6]