“Ke Lokela ho Tlaleha Nako e Kae?”

Na u kile ua botsa potso eo? Lintlha tse qaqileng tse ka u tataisang li hlaha leqepheng la 86-87 la buka ea Ho Hlophisetsoa. Nako le nako ho fanoa ka lintlha tse ling tse ka u tataisang, tse kang tse Lebokoseng la Lipotso la Tšebeletso ea Rōna ea ’Muso ea September 2008. Kaha maemo ha a tšoane, ha rea fuoa melao e mengata. Ka lebaka leo, e ke ke ea e-ba ho loketseng hore baholo kapa ba bang ba etse melao e eketsehileng.

Haeba ho hlaha potso ’me ho se na lintlha tse ngotsoeng tse tataisang tabeng eo, mohoeletsi ka mong a ka nahana ka sena: Na nako eo ke e qetile ke le tšimong? Kapa na ke e qetile ke etsa ntho e ’ngoe eo ha e le hantle e sa amaneng le mosebetsi oo? Seo re se ngolang khoeli le khoeli tlalehong ea rōna ea tšimo se lokela ho re thabisa ho e-na le hore se kukunele matsoalo a rōna. (Lik. 23:1) Ha e le hantle, ntho e ka sehloohong eo re amehileng ka eona hase hore na re tlaleha nako e kae, empa ke hore re sebelise nako hamolemo ka hore re be mahlahahlaha tšebeletsong.—Baheb. 6:11.