Lintlha-khōlō Tsa Tšebeletso ea Tšimo

Khoeling ea August ho ile ha etsoa mosebetsi o tsoileng matsoho oa ho fana ka bopaki tšimong ea lekala la rōna! Bara le barali babo rōna ba fetang 20 000 e ile ea e-ba bopula-maliboho ba thusang ’me ho ile ha tsamaisoa lipampitšana tse ka bang limilione tse tharo. Botswana e tlalehile lenane le lecha la bahoeletsi ba 2 216, maeto a ho boela a 19 762 le lithuto tsa Bibele tse 4 785. Namibia e tlalehile lenane le lecha la bahoeletsi ba 2 422. Swaziland e tlalehile lenane le lecha la bahoeletsi ba 3 246. Re thaba haholo hore ebe lenane le lecha la bahoeletsi ba Afrika Boroa e se e le 98 775. Palo ea bahoeletsi ba Afrika Boroa e haufi le ho fihla ho 100 000. E se e ka Jehova a ka tsoela pele a re hlohonolofatsa ha re ntse re ikitlaelletsa ho bolela litaba tse molemo tsa ’Muso oa hae re sa khaotse.—Lik. 5:42.