Lintlha-khōlō Tsa Tšebeletso ea Tšimo

Ka November 2014 liphutheho tse lekaleng la Afrika Boroa li entse mosebetsi o tsoileng matsoho. Le hoja ho se na litlhōrō tse ncha tse fihletsoeng, re thabela ho le tsebisa hore bahoeletsi ba 102 678 ba tlalehile mosebetsi oa bona oa boboleli linaheng tse tšeletseng tse lekaleng la rōna. Ho tlalehiloe lithuto tsa Bibele tse 154 190. Ho bonahala eka ho tla ba le keketseho e khōlō ha nako e ntse e-ea, joalokaha re ka bona lenaneo la batho ba ileng ba ba teng likopanong tsa lebatooa tsa 2014 tse neng li tšoaretsoe tšimong ea lekala la rōna: Batho ba 207 508 ba ile ba ea likopanong tse 53 ’me ha kolobetsoa ba 2 583. E se eka kaofela ha rōna re ka tsoela pele ho leboha Jehova, kaha O molemo.—Pes. 106:1.