Lintlha-khōlō Tsa Tšebeletso ea Tšimo

Re thabela ho le tsebisa hore le hoja bara le barali babo rōna ba bangata ba ne ba ile phomolong khoeling ea December, ha baa ka ba khaotsa ho bolella batho ka ’Muso oa Jehova le morero oa hae oa ho fetola lefatše lena paradeise. (Mat. 24:14; Tšen. 21:4, 5) Le hoja ho se na litlhōrō tse bileng teng, ho ile ha khannoa lithuto tsa Bibele tse likete, ha etsoa maeto a boela a mangata ’me lingoliloeng tse ngata li ile tsa fuoa batho ba thahasellang. Ketsahalo e khōlō le e thabisang e bile ketelo ea lekala ea Mor’abo rōna Morris le Mor’abo rōna Griffin ’me re thabela ho le tsebisa hore batho ba neng ba mametse lenaneo le khethehileng ka la 11 January, 2015 e bile ba 160 000. Ketsahalo ena e entse hore re momahane.